వీధి కుక్కల సమస్యల నియంత్రణకు ప్రత్యేక కమిటీలు ఏర్పాటు…
వీధి కుక్కల సమస్యల నియంత్రణకు ప్రత్యేక కమిటీలు ఏర్పాటు…
విజయవాడ నగరపాలక సంస్థ కమిషనర్ ధ్యాన చంద్ర
విజయవాడ కార్పోరేషన్, ఆంధ్రప్రభ : విజయవాడ నగర పాలక సంస్థ పరిధిలో ఉన్న 64 వార్డులలో వీధి కుక్కల నియంత్రణకు ప్రత్యేక కమిటీలు ఏర్పాటు చేశామని కమిషనర్ ధ్యాన చంద్ర శనివారం నాడు ప్రకటనలో తెలిపారు.ఈ సందర్భంగా కమిషనర్ ధ్యాన చంద్ర మాట్లాడుతూ వీధి కుక్కల నియంత్రణ చర్యల్లో భాగంగా ప్రతి వార్డుకు ఒక కమిటీని ఏర్పాటు చేశామని ఒక కమిటీలో నలుగురు సభ్యులు ఉంటారని శానిటరీ ఇన్స్ పెక్టర్ అధ్యక్షతన జంతు ప్రేమికులు, రెసిడెంట్ వెల్ఫేర్ అసోసియేషన్ సభ్యులు, నగర పౌరులు, నలుగురి తో ఒక కమిటీని ఏర్పాటు చేశామని అన్నారు.
ప్రతి వార్డు లో నలుగురి తో కూడిన ఈ కమిటీ వీధి కుక్కల నియంత్రణకు పని చేస్తుందని అన్నారు. ఆ వార్డులో వీధి కుక్కలకు సంబంధించిన సమస్యలను ఈ కమిటీలు పరిష్కరించేటట్టు చర్యలు తీసుకుంటున్నారని అన్నారు. నగర ప్రజలు వీధి కుక్కల సంబంధిత ఎటువంటి సమస్యలైనా ఈ కమిటీ సభ్యుల దృష్టికి తీసుకురావాలని , ఈ కమిటీ సభ్యులు ఆ సమస్యలను పరిష్కరించే దిశగా చర్యలు తీసుకుంటారని కమిషనర్ అన్నారు.
