సీఎంఆర్ ఎఫ్ చెక్కులను ఇంటింటికి పంపిణీ….
సీఎంఆర్ ఎఫ్ చెక్కులను ఇంటింటికి పంపిణీ….
పెడన – ఆంధ్రప్రభ : నిరుపేదల ఆరోగ్య భద్రతకు ముఖ్యమంత్రి సహాయ నిధి ఎంతగానో దోహదపడుతుందని పెడన శాసనసభ్యులు శ్రీ కాగిత కృష్ణ ప్రసాద్ పేర్కొన్నారు. పెడన టౌన్ నందు ముగ్గురు లబ్ధిదారులకు రూ. 2 లక్షల 16 వేల 186 రూపాయల విలువైన చెక్కులను ఆయన స్వయంగా వారి ఇంటీ వద్దకు వెళ్లి ఆరోగ్య పరిస్థితిని తెలుసుకొని సీఎంఆర్ఎఫ్ చెక్కులను పెడన శాసనసభ్యులు కాగిత కృష్ణ ప్రసాద్ అందజేశారు.
ఈ సందర్భంగా ఎమ్మెల్యే కాగిత కృష్ణ ప్రసాద్ మాట్లాడుతూ.. ఆర్థిక ఇబ్బందుల కారణంగా వైద్యం చేయించుకోలేని స్థితిలో ఉన్న వారికి ప్రభుత్వం అండగా నిలుస్తోందని తెలిపారు.ఈ విడతలో పెడన నియోజకవర్గంలో 46 మందికి 43,95,309 లక్షలు అర్హులైన లబ్ధిదారులకు అందించడం జరిగిందని అర్హులైన ప్రతి ఒక్కరికీ ప్రభుత్వ పథకాలు చేరేలా కృషి చేస్తామని, ఆపద కాలంలో ముఖ్యమంత్రి సహాయ నిధిని ప్రజలు సద్వినియోగం చేసుకోవాలని ఆయన ఈ సందర్భంగా కోరారు. ఈ కార్యక్రమంలో కూటమి నాయకులు, కార్యకర్తలు, అధికారులు, గ్రామస్తులు, ప్రజలు, తదితరులు పాల్గొన్నారు.
