11amto4pm | 10 ఏళ్ల రికార్డులు బద్దలు..
11amto4pm | 10 ఏళ్ల రికార్డులు బద్దలు..
11amto4pm | నాలుగు జిల్లాలకు ‘రెడ్ అలర్ట్’!
46 డిగ్రీలకు చేరిన ఉష్ణోగ్రతలు: రికార్డుల బద్దలు
నాలుగు జిల్లాలకు రెడ్ అలర్ట్ జారీ
వడగాల్పులతో స్తంభించిన జనజీవనం
వైద్యుల సూచనలు: ఎండల నుంచి ఎలా రక్షించుకోవాలి?
11amto4pm | ఆంధ్రప్రభ, వెబ్ డెస్క్: తెలంగాణ రాష్ట్రం ప్రస్తుతం నిప్పుల కొలిమిని తలపిస్తోంది. ఆకాశం నుంచి నిప్పులు కురుస్తున్నాయా అన్నట్లుగా ఎండలు mudiraaయి. వేసవి తీవ్రత పతాక స్థాయికి చేరడంతో రాష్ట్రవ్యాప్తంగా ఉష్ణోగ్రతలు అసాధారణంగా పెరిగిపోతున్నాయి. ఉదయం 8 గంటల నుంచే సూర్యుడు తన ఉగ్రరూపాన్ని చూపిస్తుండటంతో జనం ఇళ్ల నుంచి బయటకు రావడానికే భయపడుతున్నారు.
పదేళ్ల రికార్డు బద్దలు.. 46 డిగ్రీలకు చేరిన సెగలు
28 ఏప్రిల్ సోమవారం naaTiki రాష్ట్రంలో మునుపెన్నడూ లేని విధంగా గత పదేళ్ల రికార్డులను బద్దలు కొడుతూ గరిష్ట ఉష్ణోగ్రతలు నమోదయ్యాయి. నిజామాబాద్ జిల్లా మెండోరాలో అత్యధికంగా 46 డిగ్రీల ఉష్ణోగ్రత నమోదై రికార్డు సృష్టించింది.
ఉమ్మడి ఆదిలాబాద్ జిల్లాలో సైతం ఎండల తీవ్రత భీతిగొల్పుతోంది. ఆదిలాబాద్, నిర్మల్ జిల్లాల్లో 45.9 డిగ్రీలు, కుమ్రంభీం ఆసిఫాబాద్, మంచిర్యాల జిల్లాల్లో 45.8 డిగ్రీల చొప్పున ఉష్ణోగ్రతలు నమోదయ్యాయి. రాష్ట్రవ్యాప్తంగా దాదాపు 12 జిల్లాల్లో 45 డిగ్రీలకు పైగా ఉష్ణోగ్రతలు నమోదు కావడం ప్రస్తుత వాతావరణ పరిస్థితుల తీవ్రతకు అద్దం పడుతోంది.
అధికారుల అప్రమత్తం.. నాలుగు జిల్లాలకు ‘రెడ్ అలర్ట్’
తీవ్రమైన వడగాల్పులు, పెరుగుతున్న ఎండల దృష్ట్యా వాతావరణ శాఖ కీలక హెచ్చరికలు జారీ చేసింది. ఎండల తీవ్రత ఇంకా పెరిగే అవకాశం ఉండటంతో ఆదిలాబాద్, నిర్మల్, నిజామాబాద్, ఆసిఫాబాద్ జిల్లాలకు అధికారులు ‘రెడ్ అలర్ట్’ ప్రకటించారు. ప్రజలు అత్యంత అప్రమత్తంగా ఉండాలని, వడదెబ్బ తగలకుండా తగిన జాగ్రత్తలు తీసుకోవాలని సూచించారు.
నిర్మానుష్యంగా రహదారులు.. స్తంభించిన జనజీవనం
మధ్యాహ్నం వేళ వీస్తున్న నిప్పుల గాలికి జనజీవనం పూర్తిగా స్తంభించిపోయింది. ప్రధాన రహదారులన్నీ జనం లేక కర్ఫ్యూను తలపిస్తున్నాయి. అత్యవసర పనుల మీద బయటకు వచ్చే ద్విచక్ర వాహనదారులు, పాదచారులు వడగాల్పుల ధాటికి అల్లాడిపోతున్నారు. ఎండ నుంచి రక్షణ కోసం ముఖాలకు మాస్కులు, స్కార్ఫ్లు కట్టుకుని ప్రయాణాలు సాగిస్తున్న దృశ్యాలు ఎక్కడ చూసినా కనిపిస్తున్నాయి.
వైద్యులు, అధికారుల కీలక సూచనలు:
ఎండల తీవ్రత దృష్ట్యా ప్రజలు ఈ క్రింది జాగ్రత్తలు తప్పక పాటించాలని అధికారులు కోరుతున్నారు:
సమయం: ఉదయం 11 గంటల నుంచి సాయంత్రం 4 గంటల వరకు అత్యవసరమైతే తప్ప బయటకు రావొద్దు.
ద్రవ పదార్థాలు: నిర్జలీకరణం (Dehydration) బారిన పడకుండా ఉండటానికి దాహం వేయకపోయినా నీళ్లు తాగుతూ ఉండాలి. మజ్జిగ, కొబ్బరినీళ్లు, నిమ్మరసం, మరియు ఓఆర్ఎస్ (ORS) ద్రావణం తీసుకోవడం ఉత్తమం.
రక్షణ: బయటకు వెళ్లాల్సి వస్తే తలకు టోపీ, హెల్మెట్ లేదా కాటన్ వస్త్రం ధరించాలి. లేత రంగు కాటన్ దుస్తులకే ప్రాధాన్యత ఇవ్వాలి.
రాష్ట్రంలో ఎండల తీవ్రత మరో కొన్ని రోజుల పాటు ఇలాగే కొనసాగే అవకాశం ఉన్నందున, ప్రతి ఒక్కరూ అప్రమత్తంగా ఉండి తమ ఆరోగ్యాన్ని కాపాడుకోవాలని ప్రభుత్వం విజ్ఞప్తి చేస్తోంది.
