హోర్ముజ్ జలసంధిలో ముదిరిన యుద్ధ వాతావరణం..

ఆంధ్రప్రభ, వాషింగ్టన్ ప్రతినిధి : గ్లోబల్ ఆయిల్ ట్రాన్స్‌పోర్ట్‌కు అత్యంత కీలకమైన హోర్ముజ్ జలసంధిలో (Strait of Hormuz) ఉద్రిక్తతలు మళ్లీ పీక్స్‌కు చేరాయి. అమెరికా, ఇరాన్ దేశాల మధ్య కుదిరిన తాత్కాలిక శాంతికి ముగింపు పడింది. ఇరు దేశాల మధ్య ఉన్న సీజ్‌ఫైర్ (కాల్పుల విరమణ) ఒప్పందం ఇక ముగిసిపోయిందని అమెరికా ప్రెసిడెంట్ డొనాల్డ్ ట్రంప్ అఫీషియల్‌గా డిక్లేర్ చేశారు. ఈ ప్రాంతంలో కమర్షియల్ షిప్స్‌పై జరిగిన దాడులు, దానికి ప్రతిస్పందనగా ఇరు దేశాలు జరిపిన మిలిటరీ అటాక్స్‌తో మిడిల్ ఈస్ట్‌లో ఒక్కసారిగా మ‌రోసారి యుద్ధ వాతావరణం నెలకొంది.

సీజ్‌ఫైర్ ఎండ్ అయిందన్న ట్రంప్.. న్యూక్లియర్ టార్గెటే మెయిన్ ఎజెండా!

టర్కీలోని అంకారాలో జరిగిన నాటో (NATO) సమ్మిట్ సందర్భంగా మీడియాతో మాట్లాడిన ప్రెసిడెంట్ డొనాల్డ్ ట్రంప్, ఇరాన్ లీడర్‌షిప్‌పై తీవ్రస్థాయిలో ఫైర్ అయ్యారు. ఇరాన్‌తో గత నెలలో ఇరాన్‌తో కుదిరిన అవగాహన ఒప్పందం (MoU) ముగిసిందని, ఆ దేశంతో తదుపరి చర్చలు జరపడానికి తమ‌కు ఇక‌ ఆసక్తి లేదని ఆయన స్పష్టం చేశారు. హోర్ముజ్ జలసంధి గుండా వెళుతున్న మూడు వాణిజ్య నౌకలపై జరిగిన దాడులకు ఇరాన్ సైన్యమే బాధ్యత వహించాలని అమెరికా ఆరోపించింది.

ఈ ఘటనల నేపథ్యంలో, ఇరాన్‌లోని అత్యంత ప్రమాదకరమైన వ్యక్తులను లక్ష్యంగా చేసుకుని తాము భారీ దాడులు జరిపినట్లు ట్రంప్ వెల్లడించారు. ఇరాన్‌ను ‘దుష్ట దేశం’గా అభివర్ణిస్తూ, టెహ్రాన్ అణు సామర్థ్యాన్ని పూర్తిగా నాశనం చేయడమే ప్రధాన లక్ష్యమని ట్రంప్ స్పష్టం చేశారు. ఇరాన్ ప్రభుత్వం తన సొంత ప్రజలను అణచివేస్తోందని ఆరోపిస్తూ, అక్కడ జరిగిన నిరసనల సమయంలో 54,000 మందిని ఆ దేశ పాలకులు చంపేశారని ట్రంప్ సంచలన వ్యాఖ్యలు చేశారు.

ఇరాన్ స్థావరాలపై యూఎస్ ఎయిర్ స్ట్రైక్స్

అమెరికా ప్రెసిడెంట్ స్టేట్‌మెంట్‌కు కొన్ని గంటల ముందే యూఎస్ సెంట్రల్ కమాండ్ (US CENTCOM) యాక్షన్‌లోకి దిగి ఇరాన్‌పై సైనిక దాడులను ప్రారంభించింది. బుధవారం తెల్లవారుజామున దక్షిణ ఇరాన్‌లోని పలు వ్యూహాత్మక ప్రాంతాల్లో భారీ ఎక్స్‌ప్లోజన్స్ (పేలుళ్లు) సంభవించాయి. అమెరికా, ఇరాన్ కీలక చమురు ఎగుమతి కేంద్రాలైన ఖార్గ్ ద్వీపం, ఖేష్మ్ ద్వీపంతో పాటు, సిరిక్, బందర్ అబ్బాస్ వంటి ప్రధాన ఓడరేవు నగరాలపై బాంబు దాడి చేసింది. ఇరాన్ సైనిక సామర్థ్యాలను బలహీనపరిచే లక్ష్యంతో, ఆ దేశ వాయు రక్షణ వ్యవస్థలు, తీరప్రాంత నిఘా మౌలిక సదుపాయాలు, భూమి నుండి గగనతలానికి ప్రయోగించే క్షిపణులు, నౌకా విధ్వంసక క్రూయిజ్ క్షిపణులు, డ్రోన్ ప్రయోగ కేంద్రాలను లక్ష్యంగా చేసుకుని ఈ దాడులు జరిగాయి.

అమెరికా వార్‌షిప్స్‌పై ఇరాన్ కౌంటర్ అటాక్!

ఈ సడన్ అటాక్స్‌కు ఇరాన్ మిలిటరీ కూడా అంతే వేగంగా కౌంటర్ ఇచ్చింది. ఒమాన్ సముద్రంలో (Sea of Oman) మోహరించిన అమెరికా నావికాదళ యుద్ధ నౌకలను (Navy Warships) లక్ష్యంగా చేసుకుని ఇరాన్ రెండు యాంటీ-షిప్ క్రూయిజ్ మిస్సైల్స్, పలు డ్రోన్లతో ప్రతిదాడులకు దిగింది. ఇరాన్ మాజీ సుప్రీం లీడర్ అలీ ఖామెనీ మృతికి సంతాపంగా దేశంలో 7 రోజుల అంత్యక్రియల కార్యక్రమాలు (Funeral ceremonies) జరుగుతున్న టైమ్‌లోనే అమెరికా ఈ దాడులు చేపట్టడం గమనార్హం.

అసలు ఘర్షణ ఎందుకు మొదలైంది?

బ్రిటిష్ మెరైన్ సెక్యూరిటీ ఏజెన్సీ UKMTO నివేదిక ప్రకారం, మంగళవారం హోర్ముజ్ జలసంధిలో ఒక ఆయిల్ ట్యాంకర్‌పై గుర్తుతెలియని ప్రాజెక్టైల్ అటాక్ జరగడంతో మంటలు చెలరేగాయి. అలాగే మరో రెండు కమర్షియల్ షిప్స్ కూడా డ్రోన్ దాడులకు గురయ్యాయి. ఫిబ్రవరిలో అమెరికా, ఇజ్రాయెల్ సంయుక్తంగా ఇరాన్‌పై జరిపిన దాడులతో ప్రారంభమైన ఘర్షణలను ఆపడానికి గత నెలలో ఒక టెంపరరీ సీజ్‌ఫైర్ అగ్రిమెంట్ కుదిరింది. కానీ ఈ తాజా సంఘటనలతో ఆ ఒప్పందం పూర్తిగా కొలాప్స్ అయింది. ఇంటర్నేషనల్ ట్రేడ్ కారిడార్‌కు అత్యంత కీలకమైన సముద్ర రవాణా మార్గంలో ఈ యుద్ధ వాతావరణం నెలకొనడంతో గ్లోబల్ కంట్రీస్, ముఖ్యంగా ఆయిల్ మార్కెట్లు తీవ్ర ఆందోళన వ్యక్తం చేస్తున్నాయి.