Lokesh | పేద కుటుంబానికి అండగా లోకేశ్.. సీఎంఆర్ఎఫ్ సాయంపై హామీ
Lokesh | పేద కుటుంబానికి అండగా లోకేశ్.. సీఎంఆర్ఎఫ్ సాయంపై హామీ
- సోషల్ మీడియా అభ్యర్థనకు స్పందించిన మంత్రి లోకేశ్
- వెంటనే చర్యలు తీసుకోండి… అధికారులను ఆదేశించిన నారా లోకేశ్
నెల్లూరు జిల్లాకు చెందిన జనార్దన్ రెడ్డి షుగర్ సంబంధిత అనారోగ్య సమస్యలతో బాధపడుతూ వైద్య చికిత్స కోసం ఇప్పటికే రూ.2.10 లక్షల వరకు ఖర్చు చేసినట్లు కుటుంబ సభ్యులు తెలిపారు. ఆర్థికంగా వెనుకబడిన కుటుంబానికి చెందిన ఆయనకు ముఖ్యమంత్రి సహాయ నిధి (CMRF) ద్వారా ఆర్థిక సాయం మంజూరు చేయాలని కోరుతూ సోషల్ మీడియాలో మంత్రి నారా లోకేశ్ను ట్యాగ్ చేస్తూ అభ్యర్థన చేశారు.
“నెల్లూరు జిల్లాకు చెందిన జనార్దన్ రెడ్డి షుగర్ వ్యాధితో బాధపడుతున్నారు. చికిత్స కోసం ఇప్పటికే దాదాపు రూ.2.10 లక్షలు ఖర్చు చేశారు. పేద కుటుంబానికి చెందిన ఆయనకు సీఎంఆర్ఎఫ్ సాయం మంజూరు చేసి ఆదుకోవాలి” అని శ్రీనివాస్ అనే వ్యక్తి సోషల్ మీడియా వేదికగా విజ్ఞప్తి చేశారు.
ఈ అభ్యర్థనపై మంత్రి నారా లోకేశ్ వెంటనే స్పందించారు. “డియర్ శ్రీనివాస్, జనార్దన్ రెడ్డి పరిస్థితిని నేను అర్థం చేసుకున్నాను. వెంటనే స్పందించాలని నా కార్యాలయ బృందాన్ని ఆదేశించాను” అని సోషల్ మీడియా వేదికగా పేర్కొన్నారు. మంత్రి లోకేశ్ స్పందనపై బాధిత కుటుంబ సభ్యులు హర్షం వ్యక్తం చేస్తూ, త్వరగా సహాయం అందుతుందనే ఆశాభావం వ్యక్తం చేశారు.
