గంటల్లోనే అదృశ్యమైన బాలుడి ఆచూకీ
సీసీటీవీ ఆధారంగా గుర్తించిన కమ్మర్పల్లి పోలీసులు
క్షేమంగా తల్లిదండ్రులకు అప్పగింత..
ఎస్సై సతీష్ బృందానికి ప్రశంసలు
అదృశ్యమైన బాలుడిని గంటల్లోనే గుర్తించిన పోలీసులు
సీసీటీవీ ఫుటేజీలతో ఆర్మూర్లో ఆచూకీ
కమ్మర్పల్లి పోలీసుల చాకచక్యానికి తల్లిదండ్రుల కృతజ్ఞతలు
కమ్మర్పల్లి, ఆంధ్రప్రభ: కమ్మర్పల్లి గ్రామానికి చెందిన టేకు కృష్ణప్రసాద్ (15) అనే బాలుడు గురువారం ఉదయం ఇంటి నుంచి వెళ్లి తిరిగి రాకపోవడంతో కుటుంబ సభ్యులు ఆందోళనకు గురయ్యారు. దీంతో బాలుడి తల్లిదండ్రులు కమ్మర్పల్లి పోలీస్స్టేషన్లో ఫిర్యాదు చేశారు.
ఫిర్యాదు అందుకున్న వెంటనే కమ్మర్పల్లి ఎస్సై సి.హెచ్. సతీష్ స్పందించి, కానిస్టేబుళ్లు నరేష్, దినేష్, హరీష్లతో కలిసి ప్రత్యేక బృందాన్ని ఏర్పాటు చేసి విచారణ ప్రారంభించారు. బాలుడు వెళ్లిన మార్గాల్లోని సీసీటీవీ ఫుటేజీలను నిశితంగా పరిశీలించి, అతని కదలికలను గుర్తించే ప్రయత్నం చేశారు.
సాంకేతిక ఆధారాలు, స్థానికుల సహకారంతో బాలుడు ఆర్మూర్లోని అంబేద్కర్ చౌరస్తా వద్ద ఉన్నట్లు పోలీసులు గుర్తించారు. వెంటనే అక్కడికి చేరుకుని బాలుడిని సురక్షితంగా అదుపులోకి తీసుకుని కమ్మర్పల్లి పోలీస్స్టేషన్కు తీసుకువచ్చారు. అనంతరం అతడిని తల్లిదండ్రుల సమక్షంలో క్షేమంగా వారికి అప్పగించారు.
బాలుడు అదృశ్యమైన కొద్ది గంటల్లోనే అతడిని గుర్తించి సురక్షితంగా తమకు అప్పగించిన ఎస్సై సి.హెచ్. సతీష్తో పాటు పోలీసు సిబ్బందికి బాలుడి తల్లిదండ్రులు ప్రత్యేకంగా కృతజ్ఞతలు తెలిపారు. పోలీసుల అప్రమత్తత, వేగవంతమైన చర్యల వల్ల తమ బిడ్డ సురక్షితంగా తిరిగి లభించాడని వారు ఆనందం వ్యక్తం చేశారు.
ఈ ఘటనలో ఎస్సై సి.హెచ్. సతీష్, పోలీసు సిబ్బంది సమర్థవంతంగా వ్యవహరించి, సీసీటీవీ సాంకేతికతను సమర్థంగా వినియోగించి బాలుడిని తక్కువ సమయంలో గుర్తించిన తీరును నిజామాబాద్ పోలీస్ కమిషనర్ పి. సాయి చైతన్య, ఐపీఎస్ అభినందించినట్లు అధికారులు తెలిపారు.
