CC roads | ఆదరించి ఆశీర్వదిస్తే.. అభివృద్ధి చేస్తా
CC roads | ఆదరించి ఆశీర్వదిస్తే.. అభివృద్ధి చేస్తా
- ప్రచారంలో దూసుకుపోతున్న అర్షనపల్లి కాంగ్రెస్ పార్టీ సర్పంచి అభ్యర్థి
- అర్షనపల్లి కాంగ్రెస్ పార్టీ సర్పంచ్ అభ్యర్థి సిద్ధ సంతోష్
CC roads | నల్లబెల్లి, ఆంధ్రప్రభ : సిద్ధ సంతోష్ గ్రామ ప్రజలు ఆదరించి లేడీస్ పర్స్ గుర్తుకు ఓటేసి ఆశీర్వదించి సర్పంచిగా గెలిపిస్తే అర్షనపల్లి గ్రామాన్ని అభివృద్ధి చేస్తానని కాంగ్రెస్ పార్టీ(Congress party) సర్పంచి అభ్యర్థి సిద్ధ సంతోష్ తెలిపారు. నర్సంపేట ఎమ్మెల్యే దొంతి మాధవరెడ్డి ఆశీస్సులతో గ్రామానికి అధిక నిధులు తీసుకొచ్చి గ్రామంలోని గత ప్రభుత్వం చేయని, మిగిలిన పనులను పూర్తి చేసి గ్రామాన్ని మరింత అభివృద్ధి పథంలో నడిపిస్తానని కాంగ్రెస్ సర్పంచ్ అభ్యర్థి(Sarpanch candidate), సిద్ధ సంతోష్ ప్రచారంలో ప్రజలకు హామీ ఇచ్చారు. గ్రామంలో కార్యకర్తలతో కలిసి ఇంటింటి ప్రచార నిర్వహించారు.
ఈసందర్భంగా సర్పంచ్ అభ్యర్థి మాట్లాడుతూ…. ప్రస్తుతం తెలంగాణ రాష్ట్రంలో జరుగుతున్న రెండవ సాధారణ గ్రామపంచాయతీ ఎన్నికల్లో దొంతి మాధవ రెడ్డి ఆశీస్సులతో అర్షనపల్లి గ్రామపంచాయతీ సర్పంచ్ అభ్యర్థిగా గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడి గ్రామంలో మిగిలిపోయిన సీసీ రోడ్లు(CC roads), డ్రైనేజీ పనులతో పాటు, అర్హులైన వారికి పెన్షన్స్, ఇందిరమ్మ ఇళ్ల, మహిళా సంఘాలకు పావలా వడ్డీకే రుణాలు ఇప్పించేందుకు తాను సిద్ధంగా ఉన్నానని తెలిపారు.
