CHAMPIONS | ఫైనల్లో దుమ్ము రేపిన డబుల్స్ జోడీ…
- జపాన్ జోడీపై ఘన విజయం
సయ్యద్ మోడీ ఇంటర్నేషనల్ సూపర్-300 బ్యాడ్మింటన్ టోర్నమెంట్‌లో భారత మహిళల డబుల్స్ జోడీ ట్రెసా జోలీ – గాయత్రీ గోపీచంద్ మరోసారి తమ సత్తా చాటారు.
డిఫెండింగ్ ఛాంపియన్లుగా బరిలోకి దిగిన ఈ భారతీయ ద్వయం, తమ టైటిల్‌ను విజయవంతంగా కాపాడుకుంటూ, వరుసగా రెండోసారి ఈ ప్రతిష్ఠాత్మక కిరీటాన్ని దక్కించుకుని ఘన విజయం సాధించింది.
ఆదివారం జరిగిన ఫైనల్లో భారత టాప్ సీడెడ్ ద్వయం జపాన్‌కు చెందిన కాహో ఒసావా–మై తనాబే జోడీని… రసవత్తరమైన మూడు గేమ్‌ల పోరులో 17-21, 21-13, 21-15 తేడాతో మట్టి కరిపించింది. గంటా 16 నిమిషాలకు పైగా జరిగిన ఈ మ్యాచ్, ఫైనల్ తొలి ర్యాలీ నుంచే ఉత్కంఠభరితంగా సాగింది.
