ప్ర‌మాదంలో డ్రైవర్‌కు గాయాలు
బయ్యారం, ఆంధ్రప్రభ : బియ్యం లోడుతో వస్తున్న లారీ ఎదురుగడ్డ ఎక్కుతుండగా ఇంజన్(engine) ఆగిపోయి అదుపు తప్పి రోడ్ పక్కకు పడిపోయిన ఘటన ఈ రోజు మండలంలోని నామాలపాడు(Namalapadu) సమీపంలో చోటు చేసుకుంది. వివరాల్లోకి వెలితే వరంగల్ నుండి మహబూబాబాద్ సమీపంలోని ప్రభుత్వ గోడౌన్(Godown)కు బియ్యం లోడుతో వస్తున్నలారీ డ్రైవర్ అడ్రస్సు తెలియక గోడౌన్ దాటి ఇల్లందు వైపు వెళ్లాడు.
నామలపాడు సమీపంలో గోడౌన్ దాటి వచ్చానని గ్రహించి సమ్మక్క, సారలమ్మ(Sammakka, Saralamma) ఆలయం వద్ద వెనుకకు తిప్పుకుని మహబూబాబాద్(Mahabubabad) వైపు వస్తుండగా జిన్నాల వాగు వద్ద ఎదురుగడ్డ ఎక్కే క్రమంలో ఒక్కసారిగా ఇంజన్ ఆగిపోయి బ్రేక్ పడకపోవడంతో అదుపు తప్పి రోడ్ పక్కకు పడి పోయింది. ఈ ప్ర‌మాదంలో డ్రైవర్(Driver)కు గాయాలయ్యాయి. విషయం తెలిసిన స్థానిక ఎస్సై తిరుపతి సంఘటనా స్థలానికి చేరుకుని ప్రమాద కారణాలను తెలుసుకుంటున్నారు.
