(నంద్యాల బ్యూరో, ఆంధ్రప్రభ) : ప్రేమ వలలో.. చిక్కుకుని ఓ యువతి గర్భిణీ కాగ.. అత్యాచారం అభియోగంతో ఓ యువ జవాను తన ఉజ్వల భవిష్యత్తును కోల్పోయాడు. మరో ఆరు నెలల్లో మేజరు కానున్న యువతిని ప్రేమ పేరుతో ఈ జవాను దగా చేశాడు. దుష్యంతుడు కథను పరిచయం చేశాడు. ఫలితంగా బాధితురాలి తల్లి ఫిర్యాదు మేరకు ఈ కుర్ర జవాను జైలుకు వెళ్లక తప్పలేదు.
వివరాల్లోకి వెళ్తే..
నంద్యాల రెండో పట్టణ పోలీస్‌ స్టేషన్‌ పరిధిలోని ఓ మైనర్‌ బాలికతో.. యువ జవాన్‌కు పరిచయం ఏర్పడింది. ఆ పరిచయాన్ని ప్రేమగా మలిచి, ఆమెను వలలోకి దింపాడు. గత కొన్ని నెలలుగా శారీరకంగా వేధించడంతో బాలిక గర్భం దాల్చింది. ఈ విషయం బయటపడటంతో బాధితురాలి తల్లి పోలీసులకు ఫిర్యాదు చేసింది.
దీంతో పోలీసులు పోక్సో కేసు నమోదు చేసి, నిందితుడిని అరెస్ట్ చేశారు. అనంతరం కోర్టులో హాజరుపర్చినట్టు టూ టౌన్ సర్కిల్‌ ఇన్‌స్పెక్టర్‌ అస్రార్ భాష వెల్లడించారు.
