విద్యార్థుల ప్రతిభకు బంగారు పతకాలు
చదువు, హాజరు, క్విజ్లో ప్రతిభకు గుర్తింపు
ఇల్లంద విద్యార్థులను గోల్డ్ మెడల్స్తో సత్కరించిన ఉపాధ్యాయులు
విద్యార్థుల్లో స్ఫూర్తి, పోటీతత్వం పెంపొందించడమే లక్ష్యం
వరంగల్, వర్ధన్నపేట, ఆంధ్రప్రభ : స్వాతంత్య్ర దినోత్సవ వేడుకల సందర్భంగా ఎం.పీ.పీ.ఎస్. ఇల్లంద పాఠశాలలో విద్యార్థుల ప్రతిభకు ప్రత్యేక గుర్తింపు లభించింది. చదువుతో పాటు క్రమశిక్షణ, హాజరు, విజ్ఞాన పోటీల్లో ప్రతిభ కనబరిచిన విద్యార్థులను ఉపాధ్యాయులు అభినందించి గోల్డ్ మెడల్స్తో సత్కరించారు.
ఐదో తరగతి విద్యార్థి మల్లెపాక రేవంత్కుమార్ తరగతిలో ప్రథమ స్థానం సాధించడంతో పాటు 100 శాతం హాజరు నమోదు చేసుకోవడం, క్విజ్ పోటీలో ప్రథమ స్థానం సాధించడం ద్వారా విశేష ప్రతిభ కనబరిచాడు. దీంతో అతడికి గోల్డ్ మెడల్ బహుకరించారు. అదేవిధంగా నాలుగో తరగతి విద్యార్థిని దుప్పెల్లి సహస్ర తరగతిలో ప్రథమ స్థానంతో పాటు క్విజ్ పోటీలో ప్రతిభ కనబరిచి ప్రశంసలు అందుకుంది.
ఈ సందర్భంగా పాఠశాల ప్రధానోపాధ్యాయుడు మురళీధర్ మాట్లాడుతూ విద్యార్థుల్లో దాగి ఉన్న ప్రతిభను వెలికితీసి ప్రోత్సహించడమే పాఠశాల లక్ష్యమన్నారు. స్వాతంత్య్ర దినోత్సవం సందర్భంగా ప్రతిభావంతులను సత్కరించడం ద్వారా ఇతర విద్యార్థుల్లోనూ స్ఫూర్తి, పోటీతత్వం పెరుగుతుందని పేర్కొన్నారు.
కార్యక్రమంలో పాఠశాల ఉపాధ్యాయురాలు ఝాన్సీ, ఉపాధ్యాయులు నరసింహ, రాములు, వేణు తదితరులు పాల్గొన్నారు. దేశ భవిష్యత్తును నిర్మించే విద్యార్థుల ప్రతిభకు ప్రోత్సాహం అందించడం స్వాతంత్య్ర దినోత్సవ స్ఫూర్తికి ప్రతీకగా నిలిచింది.
