మూలా నక్షత్రంతో బాసరలో అక్షరాభ్యాసాల సందడి..

బాసర (నిర్మల్ జిల్లా), ఆంధ్రప్రభ : చదువుల తల్లి శ్రీ జ్ఞాన సరస్వతి దేవి కొలువైన బాసర క్షేత్రంలో సోమవారం అక్షరాభ్యాసాల సందడి నెలకొంది. అమ్మవారి జన్మ నక్షత్రమైన మూలా నక్షత్రం సందర్భంగా తమ చిన్నారులకు అక్షరాభ్యాసం చేయించేందుకు భక్తులు ఉదయం నుంచే భారీగా తరలివచ్చి క్యూలైన్లలో వేచి ఉన్నారు.

ఈ సందర్భంగా అమ్మవారి సన్నిధిలో మూలా నక్షత్ర సరస్వతి పూజను ఆలయ అర్చకులు వైభవంగా నిర్వహించారు. ప్రత్యేక పూజల్లో భక్తులు పెద్ద సంఖ్యలో పాల్గొని అమ్మవారి ఆశీస్సులు పొందారు.