200million | టాప్ 2లో విజయ్, టాప్ 7లో సాయి పల్లవి!
200million | టాప్ 2లో విజయ్, టాప్ 7లో సాయి పల్లవి!
200million | ఒక్క వారంలోనే 21 నుంచి 2వ స్థానానికి విజయ్ దూసుకెళ్లాడు
ఐఎమ్డీబీ జాబితాలో అంబరీష్ వర్మ నెంబర్ వన్
టాప్ 10లో చోటు దక్కించుకున్న సాయి పల్లవి
ఐఎమ్డీబీ ర్యాంకింగ్స్ ఎలా నిర్ణయిస్తారంటే..
విజయ్ ఫీట్తో సోషల్ మీడియాలో అభిమానుల సందడి
200million | ఆంధ్రప్రభ, వెబ్ డెస్క్ : ప్రముఖ అంతర్జాతీయ ఎంటర్టైన్మెంట్ పోర్టల్ ఐఎమ్డీబీ (ఇంటర్నెట్ మూవీ డేటాబేస్) తాజాగా విడుదల చేసిన ‘మోస్ట్ పాపులర్ ఇండియన్ సెలబ్రిటీస్’ జాబితాలో గత వారం కంటే ఈ వారం ర్యాంకింగ్స్లో భారీ మార్పులు కనిపిస్తున్నాయి. ముఖ్యంగా కోలీవుడ్ స్టార్ నటుడు, రాజకీయ నాయకుడు విజయ్ సృష్టించిన సంచలనం ఇప్పుడు సామాజిక మాధ్యమాల్లో హాట్ టాపిక్గా మారింది.
ఒక్కవారంలోనే 21 నుండి 2వ స్థానానికి..
ఈ వారం విడుదలైన జాబితాలో దళపతి విజయ్ ఏకంగా రెండో స్థానాన్ని (ర్యాంక్ 2) కైవసం చేసుకున్నారు. గత వారంలో ఆయన 21వ స్థానంలో ఉండగా.. కేవలం ఏడు రోజుల్లోనే ఈ స్థాయిలో పాపులారిటీని సాధించడం విశేషం. ఆయన నటించిన సినిమాలతో పాటు, ప్రస్తుతం ఆయన చేస్తున్న రాజకీయ ప్రయాణం, ప్రజాక్షేత్రంలో ఆయనకు పెరుగుతున్న ఆదరణే ఈ భారీ మార్పుకు కారణమని విశ్లేషకులు భావిస్తున్నారు.
మొదటి స్థానంలో అంబరీష్ వర్మ…
ఈ వారం ఐఎమ్డీబీ జాబితాలో అగ్రస్థానాన్ని అంబరీష్ వర్మ దక్కించుకున్నారు. నటుడిగా, దర్శకుడిగా తనకంటూ ప్రత్యేక గుర్తింపు తెచ్చుకున్న అంబరీష్, ‘సప్నే వర్సెస్ ఎవ్రీవన్’ వంటి కంటెంట్తో ఆడియన్స్ను విపరీతంగా ఆకట్టుకుంటున్నారు. ఆయన పనితీరు, వెబ్ సిరీస్ సక్సెస్తో నెటిజన్లు ఆయన గురించి విపరీతంగా సెర్చ్ చేయడంతో ఆయన నెంబర్ వన్ ప్లేస్లో నిలిచారు.
టాప్ 10 లో సాయి పల్లవి…
తన సహజసిద్ధమైన నటనతో దక్షిణాదితో పాటు ఉత్తరాది ప్రేక్షకులను కూడా మెప్పిస్తున్న నటి సాయి పల్లవి. ఈ వారంలో ఆమె 7వ స్థానాన్ని దక్కించుకున్నారు. ఇటీవల విడుదలైన తన చిత్రాలు, కొత్త ప్రాజెక్టుల అప్డేట్స్తో సాయి పల్లవి నిరంతరం వార్తల్లో నిలుస్తున్నారు. ఇతర స్టార్ హీరోయిన్లను వెనక్కి నెట్టి ఆమె టాప్ 10 లో నిలవడం ఆమెకున్న క్రేజ్ను మరోసారి నిరూపించింది.
ర్యాంకింగ్స్ ఎలా ఇస్తారంటే…
ఐఎమ్డీబీ తన వెబ్సైట్ను సందర్శించే దాదాపు 200 మిలియన్ల మంది యూజర్ల సెర్చ్ డేటా ఆధారంగా ప్రతి వారం ఈ జాబితాను రూపొందిస్తుంది. అంటే ఆ వారంలో నెటిజన్లు ఏ సెలబ్రిటీ గురించి ఎక్కువగా వెతికారు, ఎవరి ప్రొఫైల్ను ఎక్కువగా వీక్షించారు అనే అంశాలే ఈ ర్యాంకులను నిర్ణయిస్తాయి. ఈ వారం జాబితాలో విజయ్ సాధించిన ఈ ఫీట్ చూసి ఆయన అభిమానులు సోషల్ మీడియాలో సందడి చేస్తున్నారు. మరి వచ్చే వారం ఈ రేసులో ఎవరెవరు ఉంటారో వేచి చూడాలి.
CLICK HERE TO READ vijay | బాక్సాఫీస్ ని షేక్ చేయనున్న జన నాయగన్
