Parakala | పరకాల, ఆంధ్రప్రభ : నాగారం గ్రామాన్ని అభివృద్ధి చేస్తా.. మీ ఆడబిడ్డగా ఆశీర్వదించండి.. అభివృద్ధి ధ్యేయంగా పనిచేస్తానని నాగారం గ్రామ బిజెపి సర్పంచ్ అభ్యర్థి మాచబోయిన రవళి క్రాంతి కుమార్ అన్నారు. బుధవారం పరకాల మండలంలోని నాగారం గ్రామంలో కాలనీలతో పాటు గ్రామంలోని అన్ని వాడవాడలో తిరుగుతూ ఓటర్లతో మమేకమై ఆప్యాయంగా పలకరిస్తూ ఇంటింటా ప్రచారాన్ని నిర్వహించారు. తనకు కేటాయించిన ఫుట్ బాల్ గుర్తుకు ఓటు వేసి అధిక మెజార్టీతో గెలిపించాలని రవళి క్రాంతి కుమార్ విజ్ఞప్తి చేశారు.
ప్రజాసేవకు జీవితాన్ని అంకితం చేస్తానని, ప్రజల్ని కంటికి రెప్పలా కాపాడుకుంటానని తెలిపారు. ప్రజలకు అందుబాటులో ఉంటూ అభివృద్దే ధ్యేయంగా పని చేస్తానని తెలిపారు. నాగారం గ్రామాన్ని ఆదర్శవంతంగా తీర్చిదిద్దుతానని, వాడవాడలా ప్రచారం చేస్తూ ప్రజలతో మమేకమయ్యారు. గ్రామంలో డ్రైనేజీ వ్యవస్థను పునరుద్ధరిస్తానని, రోడ్లను, మురికి కాల్వలను మరమ్మత్తు చేయించి అభివృద్ధి చేస్తానని పేర్కొన్నారు. మహిళల, యువత అభివృద్ధికి ప్రోత్సాహం అందిస్తానని తెలిపారు. అంకితభావంతో పనిచేస్తానని హామీ ఇచ్చారు. ప్రజలకు అందుబాటులో ఉండి సమస్యల పరిష్కారం కోసం కృషి చేస్తానని , అభివృద్ధిలో భాగస్వామ్యం అవుతానని రవళి క్రాంతి కుమార్ అన్నారు.
