may31indrakeeladri ఇంద్రకీలాద్రిపై భక్తజన సందోహం
may31indrakeeladri ఇంద్రకీలాద్రిపై భక్తజన సందోహం
may31indrakeeladri ఒక్కరోజే 55,917 మంది కనకదుర్గమ్మ దర్శనం
తలనీలాల సమర్పణలోనూ విశేష స్పందన
అన్నదానం, ప్రసాద విక్రయాలు,
విరాళాలతో ఆలయానికి భారీ ఆదరణ
ఆంధ్రప్రభ ఇంద్రకీలాద్రి : శ్రీ మాత్రేనమః
ఓం శ్రీ కనకదుర్గాయ నమః
అధిక జ్యేష్ఠమాస ఆధ్యాత్మిక విశేషాల నేపథ్యంలో ఇంద్రకీలాద్రిపై కొలువై ఉన్న శ్రీ కనకదుర్గమ్మవారి ఆలయానికి భక్తుల పోటెత్తిన రాక కొనసాగుతోంది. రాష్ట్రంలోని వివిధ ప్రాంతాలతో పాటు పొరుగు రాష్ట్రాల నుంచి కూడా తరలివచ్చిన భక్తులు అమ్మవారిని దర్శించుకుని మొక్కులు తీర్చుకున్నారు. శనివారం ఒక్కరోజే 55,917 మంది భక్తులు అమ్మవారి దర్శనం చేసుకోవడం ఇంద్రకీలాద్రిపై నెలకొన్న భక్తి విశ్వాసాలకు అద్దం పట్టింది.
దేవస్థానం విడుదల చేసిన గణాంకాల ప్రకారం ఆలయంలో అన్ని విభాగాల్లోనూ భక్తుల విశేష స్పందన నమోదైంది. 1,886 మంది భక్తులు తలనీలాలు సమర్పించి తమ భక్తి ప్రపత్తులను చాటుకోగా, హుండీ కానుకలు, విరాళాల రూపంలో రూ.4,05,982 ఆదాయం లభించింది. అమ్మవారి ప్రసాదాలకు భక్తుల నుంచి విశేష ఆదరణ లభించగా, ఒకే రోజు 25,281 ప్రసాదాలు విక్రయమయ్యాయి.
అదేవిధంగా వివిధ ఆర్జిత సేవల్లో పాల్గొనేందుకు 577 మంది భక్తులు సేవా టికెట్లు పొందారు. నిత్య అన్నదాన కార్యక్రమంలో 10,233 మంది భక్తులు అన్నప్రసాదాన్ని స్వీకరించారు. భక్తులకు ఎలాంటి అసౌకర్యం కలగకుండా దర్శనం, ప్రసాదాల పంపిణీ, అన్నదానం, తలనీలాల సమర్పణ తదితర విభాగాల్లో దేవస్థానం ప్రత్యేక ఏర్పాట్లు చేసింది. అధిక జ్యేష్ఠమాసం, పౌర్ణమి వేడుకల నేపథ్యంలో ఇంద్రకీలాద్రికి భక్తుల రాక రోజురోజుకూ పెరుగుతుండగా, ఆలయ ప్రాంగణం భక్తి పారవశ్యంతో కళకళలాడుతోంది. వేదఘోషలు, అమ్మవారి నామస్మరణలు, జయజయధ్వానాల మధ్య ఇంద్రకీలాద్రి ఆధ్యాత్మిక క్షేత్రంగా మరింత శోభాయమానంగా మారింది.
భక్తుల రద్దీని దృష్టిలో ఉంచుకుని దేవస్థానం అధికారులు దర్శన వ్యవస్థను పటిష్ఠంగా అమలు చేస్తూ, తాగునీరు, వైద్య సేవలు, క్యూలైన్ల నిర్వహణ, ప్రసాదాల పంపిణీ తదితర అంశాల్లో ప్రత్యేక చర్యలు చేపట్టారు. దీంతో భక్తులు ప్రశాంత వాతావరణంలో అమ్మవారిని దర్శించుకుని ఆధ్యాత్మిక ఆనందాన్ని పొందుతున్నారు.
