Tn Cm Signs : మీరే నా ప్రాణం Amdhra Prabha Top News
Tn Cm Signs : మీరే నా ప్రాణం Amdhra Prabha Top News
- ఇక నిజమైన కొత్త శకం
- మీ మామ అన్నీ మంచి పనులే చేస్తాడు
- యువతకు సీఎం దళపతి హామీ
- కేబినేట్ లో 9 మంది మంత్రులు
- 200 యూనిట్ల ఉచిత విద్యుత్తు ఫైల్ సంతకం
- మహిళల భద్రతకు ప్రత్యేక విభాగం ఫైల్ పై సంతకం
- అటు ప్రమాణ స్వీకారం.. ఇటు ఫైల్స్ పై సంతకాలు
( ఆంధ్రప్రభ, చెన్నై ప్రతినిధి)
Tn Cm Signs : ‘నిజమైన, లౌకిక, సామాజిక న్యాయంతో కూడిన కొత్త శకం ఇప్పుడు మొదలవుతోంది ,’ అని తమిళనాడు సీఎం జోసఫ్ విజయ్ అన్నారు. తమిళనాడు ముఖ్యమంత్రిగా తన తొలి ప్రసంగంలో, సి. జోసెఫ్ విజయ్ ఆదివారం తన యువ మద్దతుదారులకు, “విజయ్ మామా మీకు అన్ని మంచి పనులు చేస్తారు. మీరే నా ప్రాణం” అని వాగ్దానం చేశారు.
తన పార్టీ కార్యకర్తలు లేకుండా తాను ‘ఏమీ కాను’ అని టీవీకే అధినేత ఇంకా అన్నారు. తమిళనాడు ముఖ్యమంత్రిగా బాధ్యతలు స్వీకరించిన వెంటనే 200 యూనిట్ల ఉచిత విద్యుత్ ఫైల్పై సంతకం చేశారు. మహిళల భద్రత కోసం ఒక ప్రత్యేక విభాగాన్ని ఏర్పాటు చేసే ఫైల్పై కూడా సంతకం చేశారు.
Tn Cm Signs : తమిళనాడు ముఖ్యమంత్రిగా తన తొలి ప్రసంగంలో, ఇటీవల జరిగిన అసెంబ్లీ ఎన్నికలలో టీవీకేకు మద్దతు ఇచ్చినందుకు విజయ్ ప్రజలకు ధన్యవాదాలు తెలిపారు. తమిళగ వెట్రి కజగం (టీవీకే) అధినేత సి. జోసెఫ్ విజయ్ ముఖ్యమంత్రిగా ప్రమాణ స్వీకారం చేశారు. అసెంబ్లీ ఎన్నికల్లో 108 సీట్లు గెలుచుకుని విజయ్ టీవీకే ప్రధాన శక్తిగా అవతరించింది.
118 సీట్ల మెజారిటీ మార్కును దాటడానికి ఆయన కాంగ్రెస్, సీపీఐ, సీపీఐ(ఎం), వీసీకే, ఐయూఎంఎల్ మద్దతును కూడగట్టుకున్నారు సంకీర్ణ ప్రభుత్వాన్ని ఏర్పాటు చేయడానికి సిద్ధంగా ఉన్నారు. 120 మంది ఎమ్మెల్యేల మద్దతుతో విజయ్ తన మిత్రపక్షాలతో కలిసి శనివారం లోక్భవన్లో గవర్నర్ అర్లేకర్ను కలిశారు. మే 13వ తేదీలోగా తన మెజారిటీని నిరూపించుకోవాలని గవర్నర్ విజయ్ను కోరారు.
Tn Cm Signs : కేబినెట్ జాబితా: తమిళనాడు క్యాబినెట్ కోసం విజయ్ తొమ్మిది మంది మంత్రుల జాబితాను సిఫార్సు చేయగా, ప్రభుత్వం ఏర్పాటుకు ముందే గవర్నర్ ఈ నియా కొత్తమకాలను ఆమోదించారు.
కొత్త మంత్రులు వీరే
- తిరు ఎన్. ఆనంద్
- తిరు ఆధవ్ అర్జునా
- డాక్టర్ కె.జి. అరుణ్రాజ్, M.B.B.S.
- తిరు కె.ఎ. సెంగోట్టయన్
- తిరు పి. వెంకటరమణన్, M.Com., M.B.A., M.L.
- తిరు ఆర్. నిర్మల్కుమార్
- తిరు రాజ్మోహన్
- డాక్టర్ TK. ప్రభు, BDS., M.Sc.D., M.Sc., ICDI, FICOI
- సెల్వి S. కీర్తన, M.Sc.
ALSO READ : 119 Magic Figure : ఇదీ జనం అభిలాష Andhra Prabha Top Story
