Toxic Movie | ‘టాక్సిక్’లో ఐదుగురు హీరోయిన్ల పరిచయం.. బోల్డ్ వీడియోతో ఆసక్తి పెంచిన మేకర్స్
Toxic Movie | ‘టాక్సిక్’లో ఐదుగురు హీరోయిన్ల పరిచయం.. బోల్డ్ వీడియోతో ఆసక్తి పెంచిన మేకర్స్
Toxic Movie | ఆంధ్రప్రభ, వెబ్ డెస్క్: పాన్ ఇండియా స్టార్ యశ్ కథానాయకుడిగా, దర్శకురాలు గీతూ మోహన్దాస్ తెరకెక్కిస్తున్న భారీ చిత్రం టాక్సిక్ పై అంచనాలు మరింత పెరుగుతున్నాయి. తాజాగా చిత్రబృందం లేడీస్ అండ్ లేడీస్ పేరుతో విడుదల చేసిన ప్రత్యేక వీడియో ప్రేక్షకులను ఆకట్టుకుంటోంది.
ఈ వీడియోలో సినిమాలోని ఐదుగురు కథానాయికలను స్టైలిష్గా పరిచయం చేయడంతో పాటు, టాక్సిక్ ప్రపంచానికి సంబంధించిన డార్క్ టోన్, విజువల్ స్టైల్ను చూపించారు. ప్రతి పాత్రకు ప్రత్యేక గుర్తింపు ఉండేలా డిజైన్ చేసిన తీరు ఆసక్తిని రేకెత్తిస్తోంది. యశ్ సరసన నటిస్తున్న కథానాయికల పాత్రలు కేవలం గ్లామర్కే పరిమితం కాకుండా కథలో కీలకంగా ఉండబోతున్నాయనే సంకేతాలను మేకర్స్ ఇచ్చారు.
ముఖ్యంగా వీడియో ప్రారంభంలోనే పిల్లలు ఈ వీడియోకు దూరంగా ఉండాలని హెచ్చరిక ఇవ్వడం విశేషం. దీంతో సినిమాలో బోల్డ్ కంటెంట్, మెచ్యూర్ థీమ్ ఏ స్థాయిలో ఉండబోతుందో ప్రేక్షకులకు ముందుగానే అర్థమవుతోంది. ఆ హెచ్చరికకు తగ్గట్టుగానే వీడియోలో స్టైలిష్, బోల్డ్ విజువల్స్తో సినిమా మూడ్ను పరిచయం చేశారు.
కేజీఎఫ్ తర్వాత యశ్ నటిస్తున్న చిత్రం కావడంతో ‘టాక్సిక్’పై భారీ అంచనాలు ఉన్నాయి. గీతూ మోహన్దాస్ తనదైన శైలిలో రూపొందిస్తున్న ఈ చిత్రం ప్రచార కంటెంట్తోనే ప్రత్యేక గుర్తింపు తెచ్చుకుంటోంది. తాజాగా విడుదలైన ఈ వీడియో సినిమాపై మరింత క్యూరియాసిటీని పెంచుతూ అభిమానుల్లో ఆసక్తిని రేకెత్తిస్తోంది.
