Sensex990 points | భారీ లాభాల్లో సూచీలు
Sensex990 points | భారీ లాభాల్లో సూచీలు
Sensex990 points | ప్రారంభంలోనే స్టాక్ మార్కెట్ల దూకుడు
ఎన్నికల ఫలితాల ప్రభావం స్పష్టంగా
అంతర్జాతీయ సంకేతాలు మార్కెట్లకు మద్దతు
బ్యాంకింగ్, ఐటీ, మెటల్ షేర్లలో కొనుగోళ్లు పెరుగుదల
Sensex990 points | ఆంధ్రప్రభ, వెబ్ డెస్క్ : దేశీయ స్టాక్ మార్కెట్లు ఈరోజు భారీ లాభాలతో ట్రేడింగ్ను ప్రారంభించాయి. ఎన్నికల ఫలితాల ప్రభావం, అంతర్జాతీయ సానుకూల సంకేతాలతో మార్కెట్లు దూసుకెళ్తున్నాయి. ప్రధాన సూచీలు గణనీయంగా పెరుగుతూ పెట్టుబడిదారుల్లో ఉత్సాహం నింపుతున్నాయి.
ప్రారంభ ట్రేడింగ్లో BSE Sensex 990 పాయింట్లకు పైగా లాభపడగా, Nifty 50 280 పాయింట్లకు పైగా ఎగబాకింది. ఉదయం 9.45 గంటల సమయంలో సెన్సెక్స్ 77,850 వద్ద, నిఫ్టీ 24,270 వద్ద ట్రేడవుతున్నాయి.
ఈరోజు నాలుగు రాష్ట్రాలతో పాటు పుదుచ్చేరిలో ఎన్నికల ఫలితాలు వెలువడుతుండగా, బెంగాల్, అస్సాం, పుదుచ్చేరిలో భాజపా ఆధిక్యంలో ఉండటం మార్కెట్లకు ఊతమిచ్చింది. రాజకీయ స్థిరత్వంపై ఆశలు పెరగడంతో పెట్టుబడిదారులు కొనుగోళ్లకు ముందుకొస్తున్నారు.
అదేవిధంగా అంతర్జాతీయ మార్కెట్లలో సానుకూల ధోరణి, చమురు ధరల తగ్గుదల కూడా దేశీయ మార్కెట్లకు మద్దతు ఇస్తున్నాయి. దీంతో బ్యాంకింగ్, ఐటీ, మెటల్ షేర్లలో కొనుగోళ్లు పెరిగి సూచీలు బలంగా ముందుకు సాగుతున్నాయి.
