july6th Tirumala | తిరుమలలో తగ్గిన రద్దీ

సర్వదర్శనానికి 8 గంటలు
ఆదివారం 88,412 మంది భక్తులకు శ్రీవారి దర్శనం..
హుండీ ఆదాయం రూ.5.05 కోట్లు

july6th Tirumala | ఆంధ్ర‌ప్ర‌భ వెబ్‌డెస్క్ : తిరుమల శ్రీవేంకటేశ్వరస్వామివారి ఆలయంలో సోమవారం భక్తుల రద్దీ గత రెండు రోజుల కంటే కొంత మేర తగ్గింది. వారాంతం ముగియడం, వేసవి సెలవుల రద్దీ కూడా క్రమంగా తగ్గుముఖం పట్టడంతో భక్తుల సంఖ్యలో స్వల్ప తగ్గుదల కనిపించినట్లు అధికారులు పేర్కొన్నారు. ప్రస్తుతం తిరుమలలోని వైకుంఠం క్యూ కాంప్లెక్స్‌లో 24 కంపార్ట్‌మెంట్లు భక్తులతో నిండిపోయాయి. సర్వదర్శనం కోసం ఎస్‌ఎస్‌డీ టోకెన్లు లేకుండా క్యూ లైన్‌లో ప్రవేశిస్తున్న భక్తులకు శ్రీవారి దర్శనం పొందేందుకు సుమారు 8 గంటల సమయం పడుతున్నట్లు తిరుమల తిరుపతి దేవస్థానం (టీటీడీ) అధికారులు తెలిపారు.

టీటీడీ విడుదల చేసిన ఆదివారం (జూలై 5) గణాంకాల ప్రకారం, 88,412 మంది భక్తులు శ్రీవారిని దర్శించుకున్నారు. వీరిలో 31,273 మంది తలనీలాలు సమర్పించారు. శ్రీవారి హుండీ ద్వారా రూ.5.05 కోట్ల ఆదాయం లభించగా, 4.24 లక్షల లడ్డూలు విక్రయించారు. అదే రోజు టీటీడీ నిర్వహించిన అన్నప్రసాద వితరణ ద్వారా 2.55 లక్షల మంది భక్తులకు ఉచిత భోజనం అందించారు. అలాగే టీటీడీ వైద్య సేవల ద్వారా 3,001 మంది భక్తులకు చికిత్స అందించారు.

భక్తుల రద్దీని దృష్టిలో ఉంచుకుని దర్శనానికి వచ్చే వారు టీటీడీ సూచనలు పాటించాలని, దర్శన సమయాలను ముందుగానే తెలుసుకుని ప్రయాణాన్ని ప్రణాళికాబద్ధంగా రూపొందించుకోవాలని అధికారులు సూచించారు.