Crying-Clubs-Hyderabad : వావ్​ ఏడ్పు గొట్టు క్లబ్లులు Andhra Prabha Spl Story

Crying-Clubs-Hyderabad : వావ్​ ఏడ్పు గొట్టు క్లబ్లులు Andhra Prabha Spl Story

• మనో వత్తిడి మాయం
• సూరత్​ లోనే కాదు..
• హైదరాబాద్​ లోనూ కన్నీటి జలపాతాలు

( ఆంధ్రప్రభ, ప్రత్యేక కథనం)

పొట్ట చెక్కల య్యేలా.. పకపకా నవ్వులు కురిపించే పార్కు బాబులు.. వనం బుల్లెమ్మల సీన్​ మర్చిపోలేం. ఇది సరే.. తాజాగా.. వెక్కి వెక్కి ఏడుస్తూ.. కుళ్లి కుళ్లి కుమిలిపోతూ మౌపంగా కన్నీటి జలపాతాలు పొంగి పొర్లే క్రైయింగ్​ క్లబ్బులు తెరమీదకు వచ్చాయి. ఏంటీ ఏడ్పు గొట్టు క్లబ్బులా.. అంటే ఆశ్చర్య పోనక్కరలేదు. ఈ క్లబ్బులూ కమర్షియల్​ గా కాసులు పిండేస్తున్నాయి. ఔను సెక్టర్లో టెకీల లైఫ్​ స్టయిలే ధిపరెండు గురూ.. వీళ్ల పని భారం సెరేటు గురూ.. ఎప్పుడు శుక్రవారం వస్తుందా? అని ఎదరు చూస్తుంటారు. రాత్రికి పబ్​ కి వెళ్లి చల్​ బీర్​ గ్లాసు గటగట తాగేసి.. చిందులేయటం సహజం. కానీ.. తాజాగా క్రైయింగ్​ కమ్యూనిటీ కూడా తన గుండెల్లో వ్యథను వెళ్లగక్కి ,, తేలిక మనసుతో ఇంటికి చేరటం కొత్త ఆనవాయితీ జెరందుకుంది. అదెట్లా..
భారత దేశంలోని ముంబై, సూరత్, బెంగళూరు, ఢిల్లీ సహా హైదరాబాద్‌లోనూ కమ్యూనిటీ గ్రూపులు, ఎమోషనల్ వెల్‌నెస్ సర్కిల్స్ షురూ అయ్యాయి. .ఈ వినూత్న క్లబ్‌ల గురించి పరిశీలిద్దాం.

Crying-Clubs-Hyderabad : జపానులో పుట్టి

ప్రపంచంలో ఈ ఏడ్పుగొట్టు ట్రెండ్ కు తొలుత జపాన్‌లో బీజం పడింది. ‘రుయికాట్సు’ (Ruikatsu) అంటే ‘కన్నీళ్ల అన్వేషణ’ అని అర్థం 2013లో హిరోకి తెరాయ్ అనే వ్యాపారవేత్త ఒత్తిడిని తగ్గించడానికి ఈ పద్ధతిని కనుగొన్నారు. భారతదేశంలో తొలి క్రైయింగ్ క్లబ్‌ను 2017లో గుజరాత్‌లోని సూరత్ నగరంలో ‘హెల్తీ క్రైయింగ్ క్లబ్’ (Healthy Crying Club) పేరుతో ఏర్పాటు చేశారు. ఆ తర్వాత ముంబై (ఖార్ రోడ్, లోయర్ పరేల్ ప్రాంతాల్లో ‘ది క్రై క్లబ్’ పేరుతో), బెంగళూరు, ఢిల్లీ , హైదరాబాద్‌ నగరాలకు ఈ కల్చర్ విస్తరించింది

Crying-Clubs-Hyderabad : కన్నీటి కథలు రెడీ

సాధారణంగా కెఫేలు లేదా ప్రశాంత ప్రైవేట్ హాల్స్‌లో ఈ క్రైయింగ్​ క్లబ్బులు నడుస్తాయి. అక్కడ సన్నటి సంగీతం, వేడి టీ లేదా కాఫీ, టేబుళ్లపై నిండా టిష్యూ పేపర్లు సిద్ధంగా ఉంచుతారు. అందరిలోనూ ఒక్కసారిగా ఏడుపు రాదు. అందుకోసం నిర్వాహకులు మనసును కదిలించే భావోద్వేగ భరిత లఘు చిత్రాలు (Sad Movies), గుండెల్ని పిండేసే కథలు లేదా ఉత్తరాలను వినిపిస్తారు. మనసు విప్పి మాట్లాడటం: పార్టిసిపెంట్స్ తమ జీవితంలో ఎదుర్కొన్న బాధలు, బ్రేకప్స్, ఆఫీస్ ఒత్తిడి లేదా ఒంటరితనాన్ని పంచుకుంటారు. ఆ సమయంలో ఎవరూ ఎవరినీ జడ్జ్ చేయరు, సలహాలు ఇవ్వరు, ఓదార్చడానికి ప్రయత్నించి ఏడుపును ఆపరు.

Crying-Clubs-Hyderabad : స్ట్రెస్ రిలీఫ్ కోసమే..

ఏడ్చిస్తే శరీరంలోని కార్టిసోల్ వంటి ఒత్తిడి హార్మోన్లు కన్నీళ్ల ద్వారా బయటకు వెళ్ళిపోతాయి . ఒక గంట పాటు మనస్ఫూర్తిగా ఏడ్చి బయటకు వచ్చిన వారు, తమ తలపై పెద్ద భారం దిగిపోయినట్లుగా, చాలా తేలికగా (Lighter) అనిపించిందని చెబుతుంటారు. సమాజంలో ముఖ్యంగా పురుషులు ఏడిస్తే బలహీనులుగా చూస్తారనే అపోహ ఉంది. దాన్ని బద్దలు కొడుతూ, ఏడవడం అనేది బలహీనత కాదు, అదొక సహజ మానసిక ప్రక్రియ అని ఈ క్లబ్‌లు నిరూపిస్తున్నాయి.4

Crying-Clubs-Hyderabad : @ 499 ఫీ.జుఇంతే…

కొన్ని క్లబ్‌లు ఒక సెషన్‌కు సుమారు ₹499 వరకు ప్రవేశ రుసుముతో నిర్వహిస్తాయి. కొన్ని ఉచితంగా నిర్వహిస్తాయి. ఇక్కడ పాల్గొనే సభ్యులు తమ అసలు పేర్లను చెప్పనవసరం లేదు. మారు పేర్లతో హాజరై తమ బాధను పంచుకోవచ్చు.
ఈ వినూత్న ‘క్రైయింగ్ క్లబ్‌లు’ . కమ్యూనిటీ వెల్‌నెస్ సర్కిల్స్ నిర్వహించే సెషన్స్, వివరాలు ఇవి. ది క్రై క్లబ్ (The Cry Club) – బెంగళూరు, ముంబై, హైదరాబాద్​ నగరాల్లో అత్యంత వేగంగా ప్రాచుర్యం పొందుతున్న కమ్యూనిటీ గ్రూప్ ఇది. ‘నో జడ్జ్‌మెంట్, నో ఫిక్సింగ్’ (ఎవరూ మిమ్మల్ని తప్పుబట్టరు, మీ సమస్యకు సలహాలు ఇవ్వరు) అనే నినాదంతో ఇవి నడుస్తాయి. ఇవి సాధారణంగా నగరాల్లోని క్రియేటివ్ కెఫేలు లేదా ప్రైవేట్ కమ్యూనిటీ హాల్స్‌లో (ఉదాహరణకు బెంగళూరులోని ‘స్మాల్ వరల్డ్’ కెఫే వంటి ప్రదేశాలలో) నెలకు ఒకటి లేదా రెండుసార్లు వీకెండ్స్‌లో జరుగుతాయి.టైమింగ్స్: సాధారణంగా శనివారం లేదా ఆదివారం మధ్యాహ్నం 3:00 గంటల నుండి సాయంత్రం 5:00 గంటల వరకు (సుమారు 1 నుండి 2 గంటల సెషన్) నిర్వహిస్తారు.టికెట్ బుకింగ్స్: ఈ క్లబ్ సెషన్స్ అన్నీ అధికారికంగా BookMyShow ఎంటర్‌టైన్‌మెంట్ ప్లాట్‌ఫారమ్‌లో ‘The Cry Club meetups’ లేదా ‘Listeners Circle’ పేర్లతో లిస్ట్ అవుతుంటాయి. యాప్‌లోకి వెళ్లి హైదరాబాద్/బెంగళూరు/ముంబై ఎంచుకుని సీట్ బుక్ చేసుకోవచ్చు. ప్రతి సెషన్‌కు పరిమిత సంఖ్యలోనే (20-25 మందికి మాత్రమే) అనుమతి ఉంటుంది.

Crying-Clubs-Hyderabad : హెల్తీ క్రైయింగ్ క్లబ్

సూరత్ (గుజరాత్) ఇది భారతదేశంలోనే ప్రారంభమైన తొలి అధికారిక ఏడుపు క్లబ్. లాఫ్టర్ థెరపిస్ట్ కమలేష్ మసాలావాలా దీనిని స్థాపించారు.టైమింగ్స్: ప్రతి నెల చివరి ఆదివారం ఉదయం 8:00 గంటల నుండి 10:00 గంటల వరకు ఈ సెషన్ జరుగుతుంది.బుకింగ్/ప్రవేశం: దీనికి ముందుగా టికెట్ బుకింగ్స్ ఏమీ ఉండవు. ఎవరైనా నేరుగా వెళ్లి పాల్గొనవచ్చు. స్థానిక పబ్లిక్ గార్డెన్స్ లేదా కమ్యూనిటీ హాల్స్‌లో ఉచితంగా లేదా నామమాత్రపు రుసుముతో ఈ గ్రూప్ కలుస్తుంది.

Crying-Clubs-Hyderabad : హైదరాబాద్​ లోనూ

హైదరాబాద్, ఢిల్లీలలో ‘వల్నరబిలిటీ సర్కిల్స్’ (Vulnerability Circles)హైదరాబాద్. ఢిల్లీ నగరాల్లో ప్రస్తుతం ఇవి పక్కా కమర్షియల్ క్లబ్‌ల కంటే.. యువత స్వచ్ఛందంగా ఏర్పాటు చేసుకుంటున్న ‘ఎమోషనల్ వెల్‌నెస్ గ్రూప్స్’ రూపంలో నడుస్తున్నాయి. హైదరాబాద్‌లోని గచ్చిబౌలి, జూబ్లీహిల్స్ పరిసరాల్లోని క్రియేటివ్ స్పేసెస్ (ఉదాహరణకు Aaromale Cafe, లేదా ఇన్‌ఫార్మల్ మీటప్ జోన్స్) లలో ఇవి నడుస్తుంటాయి.

Crying-Clubs-Hyderabad : బుకింగ్ ఇలా?

ఇన్ఫార్మల్ భావోద్వేగ పంపకాల మీటప్స్ వివరాలు ఎక్కువగా Instagram లోని స్థానిక సిటీ ఈవెంట్ పేజీలు (ఉదాహరణకు mana_hyderabad వంటివి) లేదా Meetup.com వెబ్‌సైట్ ద్వారా ప్రకటిస్తుంటారు.సెషన్‌కు వెళ్లే ముందు గుర్తుంచుకోవాల్సిన విషయాలు:టిష్యూలు, ఈ క్లబ్‌లకు వెళ్లేటప్పుడు మీరు ఏమీ తీసుకెళ్లాల్సిన అవసరం లేదు. అక్కడ మీకోసం టిష్యూ పేపర్లు, మనసును ప్రశాంతపరిచే హెర్బల్ టీ/కాఫీ, బ్యాక్‌గ్రౌండ్ మ్యూజిక్ సిద్ధంగా ఉంచుతారు.