Kasganj Tragedy | నలుగురు గల్లంతు…

Kasganj Tragedy | ఆంధ్రప్రభ, వెబ్‌డెస్క్‌ : ఉత్తరప్రదేశ్‌లోని కాస్‌గంజ్ జిల్లాలో విషాద ఘటన చోటుచేసుకుంది. హజారా చెరువులో స్నానం చేస్తున్న సమయంలో నలుగురు యువకులు నీటిలో గల్లంతయ్యారు. వీరిలో ఒకరిని పీఏసీ డైవర్లు సురక్షితంగా రక్షించగా, మరో ముగ్గురి కోసం గాలింపు చర్యలు కొనసాగుతున్నాయి.

హత్రాస్ జిల్లాలోని టిక్రి గ్రామానికి చెందిన యువకులు కాస్‌గంజ్‌లోని హజారా కాలువపై ఉన్న ఝల్కర్ వంతెన సమీపంలోని నద్రాయ్ పిక్నిక్ పాయింట్‌కు వెళ్లారు. అక్కడ స్నానం చేస్తుండగా ప్రమాదవశాత్తు నీటిలో మునిగిపోయారు.

సమాచారం అందుకున్న వెంటనే పీఏసీ డైవర్లు, పోలీసులు, జిల్లా యంత్రాంగం సంఘటనా స్థలానికి చేరుకుని సహాయక చర్యలు చేపట్టారు. ఒక యువకుడిని క్షేమంగా బయటకు తీసుకురాగా, మిగిలిన ముగ్గురి కోసం రెస్క్యూ ఆపరేషన్ కొనసాగుతోంది.

యువకుల కుటుంబ సభ్యులు, స్థానికులు పెద్ద సంఖ్యలో సంఘటనా స్థలానికి చేరుకున్నారు. గల్లంతైన వారి కోసం అధికారులు ముమ్మరంగా గాలింపు చర్యలు నిర్వహిస్తున్నారు.