100%increased | ఎండల ఎఫెక్ట్ తో బీరు అమ్మకాల జోరు లిక్కర్ బేజారు..
100%increased | ఎండల ఎఫెక్ట్ తో బీరు అమ్మకాల జోరు లిక్కర్ బేజారు..
100%increased |వేసవిలో మారిన మందుబాబుల ట్రెండ్
బీరు అమ్మకాల పెరుగుదల గణాంకాలు
నాణ్యతపై వస్తున్న ఫిర్యాదులు
మార్కెట్ ట్రెండ్ & ఎక్సైజ్ ప్రభావం
ఆంధ్రప్రభ వెబ్ డెస్క్ : వేసవి వచ్చిందంటే, సూర్యుడు తన ప్రతాపాన్ని చూపిస్తుంటే, జనం చల్లదనం కోసం రకరకాల దారులు వెతుకుతుంటారు. కొందరు ఏసీల కింద దాక్కుంటే, మరికొందరు ఐస్క్రీమ్లతో సరిపెట్టుకుంటారు. కానీ, లిక్విడ్ డైట్ ఇష్టపడే మందుబాబుల రూటే వేరు! వారు ఎండ వేడిని తట్టుకోవడానికి తమ స్ట్రాటజీ మార్చేశారు. కిక్కునిచ్చే లిక్కర్ కంటే, చల్లని ‘బీరు’ కే ఇప్పుడు పట్టం కడుతున్నారు. దీంతో బీరు అమ్మకాలు చుక్కలను తాకుతున్నాయి.
బీరు అమ్మకాల గణాంకాలు చూస్తుంటే ఆశ్చర్యం కలగక మానదు. గతేడాది ఏప్రిల్తో పోలిస్తే బీరు అమ్మకాలు ఏకంగా 30 శాతం మేర పెరిగాయి. అంటే, ఎండ వేడికి మందుబాబులు తమ గొంతును చల్లబరుచుకోవడానికి బీరునే ప్రధాన ఆయుధంగా వాడుతున్నారన్నమాట! బీరు జోరు పెరగడంతో లిక్కర్ (హార్డ్ డ్రింక్స్) అమ్మకాలు చాలా వరకు పడిపోయాయి. బహుశా ‘వేడిని వేడితోనే చంపాలి’ అనే సూత్రం ఇక్కడ పని చేయలేదేమో!
అమ్మకాలు జోరుగా ఉన్నా, నాణ్యత విషయంలో మాత్రం కొన్ని వింత ఘటనలు వెలుగులోకి వస్తున్నాయి.
గుంటూరులో ఒక సీసాలో ‘నలకలు’ దర్శనమిచ్చాయట. వినియోగదారుడు అడిగితే.. అది ‘ఎక్స్ ట్రా ఫ్లేవర్’ అని చెప్పలేక, సదరు కంపెనీ గుట్టుచప్పుడు కాకుండా స్టాక్ వెనక్కి తీసుకెళ్లిందనే ప్రచారం జరుగుతోంది.
మరో చోట మరో విచిత్రం.. ఒక కంపెనీ సీసాకు ఇంకో కంపెనీ మూత వచ్చిందట.. ఇది కంపెనీల మధ్య ఉన్న ‘సమన్వయం’ అనుకోవాలో లేక ‘ప్రొడక్షన్ హడావిడి’ అనుకోవాలో మందు తయారు చేసిన కంపెనీలకే తెలియాలి.
సీసాలో మద్యం తక్కువగా ఉండటం కూడా వెలుగులోకి వచ్చింది. ‘తక్కువ తాగండి.. ఆరోగ్యం జాగ్రత్త’ అని కంపెనీలు మందుబాబుల మీద చూపిస్తున్న ప్రేమ కావచ్చని సెటైర్లు వినిపిస్తున్నాయి.
మొత్తానికి, ఎండలు పెరిగే కొద్దీ బీరు కౌంటర్ల దగ్గర క్యూలు ఇంకా పెరుగుతున్నాయి. ఎక్సైజ్ శాఖ ఆదాయం కోసం ఎదురుచూస్తుంటే, మందుబాబులు మాత్రం తమ గొంతు ఎండిపోకుండా ‘లిక్విడ్ థెరపీ’ని నమ్ముకున్నారు. అయితే, సీసాలోని నలకలను, తప్పుడు మూతలను చూస్తుంటే.. ‘బీరు తాగేటప్పుడు జాగ్రత్త.. కిక్కుతో పాటు కానుకలు కూడా రావచ్చు’ అని హెచ్చరించాల్సి వస్తోంది. ఏది ఏమైనా, ఈ వేసవిలో బీరు అమ్మకాల జోరు చూస్తుంటే ‘లిక్కర్’ కి సెలవు.. ‘బీరు’ కే మన ఓటు అన్నట్లుగా ఉంది ట్రెండ్!
