3% Tcs Share Falls : ప్ప్.. లాభాలొచ్చినా..Andhra Prabha News

Babu Bahadur April 10, 2026

టీసీఎస్ షేర్ డ్రాప్
ఇన్వెస్టర్లలో ఆందోళన
క్యూ4 ఫలితాల అంచనాల్లో ఒత్తిడి
వార్షిక ఆదాయంలో అరుదైన క్షీణత
నికర లాభంలో డబుల్ డిజిట్ వృద్ధి
భారీ డివిడెండ్ ప్రకటన
మెగా డీల్స్‌తో కంపెనీ దూసుకుపోతున్నా…
AI సేవల్లో టీసీఎస్ పురోగతి
బ్రోకరేజీ సంస్థల జాగ్రత్త సూచనలు
ఐటీ రంగంపై మిశ్రమ సంకేతాలు

( ఆంధ్రప్రభ, ముంబై ప్రతినిధి)

భారత్ టెకీ కంపెనీల్లో ప్రముఖ టాటా కన్సల్టెన్సీ సర్వీసెస్ (TCS) షేరు ధర 3% దిగజారింది. ₹2,502 వద్ద ట్రేడవుతోంది. కంపెనీ నాలుగో త్రైమాసిక (Q4) ఫలితాలు అంచనాలకు అనుగుణంగా ఉన్నప్పటికీ, వార్షిక ఆదాయంలో అరుదైన క్షీణత ఇన్వెస్టర్లను కలవరపెట్టింది.

3% Tcs Share Falls : లాభాలొచ్చినా….

నిన్నటి క్లోజింగ్ ధర ₹2,589తో పోలిస్తే ఈరోజు ప్రారంభం నుంచే ఒత్తిడికి లోనైంది. క్యూ4 ఫలితాలు బాగున్నా, ఆర్థిక సంవత్సరానికి (FY26) డాలర్ ఆదాయం 2.4% తగ్గింది, ఈ స్థితిలో ఇన్వెస్టర్లలో ఆందోళన పెంచింది. టీసీఎస్ చరిత్రలో ఇది అరుదైన పరిణామం. మార్చి 2026తో ముగిసిన త్రైమాసికం) నికర లాభం ₹13,718 కోట్లు కాగ, గత ఏడాదితో పోలిస్తే 12.2% వృద్ధి సాధించింది. కంపెనీ ఆదాయం ₹70,698 కోట్లు చేరింది. అంటే వార్షిక వృద్ధి 9.6% అన్నమాట.
ఒక్కో షేరుకు ₹31 తుది డివిడెండ్‌ను కంపెనీ బోర్డు ప్రకటించింది. ఈ త్రైమాసికంలో $ 1200 కోట్ల భారీ ఒప్పందాలను (Mega deals) దక్కించుకుంది. ఆర్టిఫిషియల్ ఇంటెలిజెన్స్ (AI) సేవల వార్షిక ఆదాయం $230 కోట్లు దాటింది.
ఎబిట్ (EBIT) మార్జిన్ 25.3% వద్ద స్థిరంగా ఉంది, ఇది గత నాలుగేళ్లలో అత్యధికం. ఇక క్లయింట్లు తమ ఖర్చులను తగ్గించుకోవడం , కొత్త ప్రాజెక్టుల విషయంలో జాగ్రత్తగా ఉండటంతో స్వల్పకాలిక వృద్ధిపై బ్రోకరేజ్ సంస్థలు ఆందోళన వ్యక్తం చేస్తున్నాయి.

ALSO READ ” Repo Rate Unchanged : రెపో రేటు య‌థాత‌థం Andhra Prabha News