Fire Accident | కన్నీరు పెట్టిస్తున్న చివరి కాల్ రికార్డింగ్…
Fire Accident | వెబ్ డెస్క్, ఆంధ్రప్రభ : ఇటీవలే హైదరాబాద్ లోని నాంపల్లిలో ఉన్న బచ్చాస్ ఫర్నిచర్ దుకాణంలో భారీ అగ్నిప్రమాదం జరిగింది. ఈ ప్రమాదంలో దుకాణంలో వాచ్మెన్గా పనిచేస్తున్న యాదయ్య, లక్ష్మి దంపతుల కుమారులు అఖిల్, ప్రణీత్ మంటల్లో చిక్కుకుని ప్రాణాలు కోల్పోయారు. వారిని కాపాడేందుకు ప్రాణాలకు తెగించి లోపలికి వెళ్ళిన సేల్స్మ్యాన్ మహ్మద్ ఇంతియాజ్, ఆటో డ్రైవర్ సయ్యద్ హబీబ్, మరో మహిళ బేబీ సైతం మృత్యువాత పడ్డారు.
అయితే.. తాజాగా ఇంతియాజ్కి సంబంధించిన లాస్ట్ కాల్ రికార్డు బయటకు వచ్చింది. చనిపోయే కొద్దిక్షణాల ముందు సేల్స్మ్యాన్ ఇంతియాజ్ మాట్లాడిన కాల్ రికార్డింగ్ వైరల్గా మారింది. “ఫైర్ నుంచి బయటకు రాలేని పరిస్థితి ఏర్పడింది అన్న.. ఎగ్జిట్ రూట్లు అన్నీ మూసుకుపోయాయి.. నాతో పాటు పిల్లలు కూడా ఉన్నారు.. బయటకు రాలేకపోతున్నాం.. అన్న కాపాడండి.. అసలేం కనిపించడం లేదు..” అని ఆర్తనాదాలు చేశాడు. ఆ యువకుడి చివరి కాల్ రికార్డింగ్ అందరినీ కన్నీరు పెట్టిస్తోంది.
