kushbu | పెళ్లి పీటలెక్కిన కుష్బూ పెద్ద కుమార్తె.. ఫోటోలు వైరల్
ఆంధ్రప్రభ, వెబ్డెస్క్: ప్రముఖ నటి కుష్బూ, దర్శకుడు సుందర్ సీ దంపతుల పెద్ద కుమార్తె అవంతిక వివాహ బంధంలోకి అడుగుపెట్టింది. జూన్ 25న జరిగిన ఈ వివాహ వేడుక కుటుంబ సభ్యులు, అత్యంత సన్నిహితులు, ఆప్త మిత్రుల సమక్షంలో సాదాసీదాగా, కానీ ఆనందోత్సాహాల మధ్య జరిగింది.
ఈ విషయాన్ని కుష్బూ–సుందర్ సీ దంపతులు తమ సామాజిక మాధ్యమాల ద్వారా వెల్లడించారు. “మా హృదయాలు ప్రేమతో, ఆనందంతో నిండిపోయాయి. మా కుమార్తె అవంతిక వివాహం జూన్ 25న జరిగింది. కొత్త జీవితాన్ని ప్రారంభిస్తున్న ఈ జంటపై మీ ఆశీస్సులు, శుభాకాంక్షలు ఉండాలని కోరుకుంటున్నాం” అని తమ సందేశంలో పేర్కొన్నారు.
వివాహం అత్యంత వ్యక్తిగతంగా నిర్వహించినప్పటికీ, ఈ శుభవార్త బయటకు రావడంతో సినీ ప్రముఖులు, అభిమానులు నూతన దంపతులకు శుభాకాంక్షలు తెలియజేస్తున్నారు. ప్రస్తుతం ఈ వార్త సామాజిక మాధ్యమాల్లో విస్తృతంగా చర్చనీయాంశమైంది.
