Road facility | గ్రామానికి రోడ్డు సౌకర్యం కల్పిస్తా..
- గడ్డంపల్లి సర్పంచ్ అభ్యర్థి సవరమ్మ రామాంజనేయులు
Road facility | మక్తల్, ఆంధ్రప్రభ : గ్రామపంచాయతీ ఎన్నికల్లో తనను ఆదరించి సర్పంచ్గా గెలిపిస్తే గ్రామానికి రోడ్డు సౌకర్యం(Road facility) కల్పించేందుకు తనవంతు కృషి చేస్తానని నారాయణపేట జిల్లా మక్తల్ మండలంలోని గడ్డంపల్లి గ్రామ సర్పంచ్ అభ్యర్థి ఎం.సవరమ్మ రామాంజనేయులు (కాంగ్రెస్ పార్టీ మద్దతు) అన్నారు.
గత ప్రభుత్వాలు పునారవాస గ్రామమైన గడ్డంపల్లి నిర్లక్ష్యం చేయడం వల్ల రోడ్డు సౌకర్యం లేక ప్రజలు తీవ్ర ఇబ్బందులు పడుతున్నారని ఆవేదన వ్యక్తం చేశారు. ఎన్నోసార్లు పాలకులకు విన్నవించినా సమస్య(problem) పరిష్కారం కాలేదన్నారు. స్థానిక ఎమ్మెల్యే మంత్రి వాకిటి శ్రీహరి సహకారంతో గ్రామానికి రోడ్డు సౌకర్యం కల్పిస్తానని హామీ ఇచ్చారు.
పనిచేసే ప్రభుత్వానికి ప్రజలు అండగా ఉండాల్సిన అవసరం ఎంతైనా ఉందన్నారు. ప్రభుత్వ సంక్షేమ పథకాలు(welfare schemes) అర్హులైన ప్రతీ ఒక్కరికి రాజకీయాలకతీతంగా అందజేయడమే తన లక్ష్యమన్నారు. గ్రామ పంచాయతీ ఎన్నికల్లో ఇతరుల మాయమాటలకు మోసపోకుండా నిస్వార్ధంగా సేవ చేసేందుకు మహిళగా ముందుకు వచ్చిన తనకు అండగా నిలువాలని ఆమె ఓటర్లకు విజ్ఞప్తి చేశారు.
గ్రామంలో నెలకొన్న సమస్యల పరిష్కారమే ధ్యేయంగా పనిచేస్తానని, తనకు మద్దతునిచ్చి సర్పంచ్గా గెలిపించవలసిందిగా ఎం. సవరమ్మ రామాంజనేయులు గ్రామ ప్రజలకు విజ్ఞప్తి చేశారు.
