july1st indrakeeladri | ఇంద్రకీలాద్రిపై భక్తుల రద్దీ..

july1st indrakeeladri | ఇంద్రకీలాద్రిపై భక్తుల రద్దీ..

ఒక్కరోజే 34 వేలకు పైగా దర్శనాలు

july1st indrakeeladri |ఆంధ్రప్రభ, వెబ్ డెస్క్: విజయవాడ ఇంద్రకీలాద్రిపై కొలువై ఉన్న శ్రీ దుర్గా మల్లేశ్వర స్వామి వారి దేవస్థానానికి మంగళవారం (జూన్ 30) భక్తులు భారీ సంఖ్యలో తరలివచ్చారు. ఆలయ అధికారులు విడుదల చేసిన రోజువారీ గణాంకాల ప్రకారం, 34,106 మంది భక్తులు అమ్మవారి దర్శనం చేసుకున్నారు. వివిధ దర్శనాల కోసం 4,874 దర్శన టికెట్లు జారీ చేశారు.

అమ్మవారి ప్రసాదాలకు కూడా విశేష ఆదరణ లభించింది. రోజంతా 51,413 యూనిట్ల ప్రసాదం విక్రయించగా, భక్తుల నుంచి రూ.2,99,229 విరాళాలు హుండీ, ఇతర మార్గాల ద్వారా అందాయి. ఆలయంలో నిర్వహించే ప్రత్యేక పూజా కార్యక్రమాల్లో 274 మంది భక్తులు సేవల్లో పాల్గొన్నారు.

మొక్కుబడులు తీర్చుకునే క్రమంలో 723 మంది తలనీలాలు సమర్పించగా, ఆలయంలోని అన్నదాన సేవను 7,303 మంది భక్తులు వినియోగించుకున్నారు.

రోజువారీగా వేలాదిమంది భక్తులతో ఇంద్రకీలాద్రి క్షేత్రం ఆధ్యాత్మిక సందడితో కళకళలాడుతుండగా, దర్శనం, ప్రసాదం, సేవలు, అన్నదానం వంటి అన్ని విభాగాల్లో భక్తుల విశేష స్పందన కొనసాగుతోందని ఆలయ గణాంకాలు వెల్లడిస్తున్నాయి.