Road Accident | డ్రైవర్ చాకచక్యంతో తప్పిన పెను ప్రమాదం
ఆంధ్రప్రభ, వెబ్డెస్క్: తిరుపతి జిల్లాలోని భాకరాపేట ఘాట్ రోడ్డులో ప్రమాదం చోటుచేసుకుంది. బ్రేకులు పనిచేయకపోవడంతో ముగ్గురాళ్ల లోడ్తో వస్తున్న లారీ అదుపుతప్పి లోయలోకి దూసుకెళ్లింది. అయితే డ్రైవర్ అప్రమత్తతతో ప్రాణాపాయం తప్పింది.
పీలేరు నుంచి తిరుపతి వైపు వస్తున్న లారీ భాకరాపేట ఘాట్ రోడ్డులో ప్రయాణిస్తుండగా ఒక్కసారిగా బ్రేకులు ఫెయిల్ అయ్యాయి. వాహనం నియంత్రణ తప్పుతున్నట్లు గుర్తించిన డ్రైవర్ వెంటనే అప్రమత్తమై లారీ నుంచి కిందకు దూకేశాడు.
ఆ తర్వాత లారీ రోడ్డుపై అదుపు కోల్పోయి లోయలోకి దూసుకెళ్లింది. ప్రమాద సమయంలో లారీలో ముగ్గురాళ్ల లోడ్ ఉన్నట్లు తెలుస్తోంది. అదృష్టవశాత్తూ డ్రైవర్ సకాలంలో బయటకు దూకడంతో ప్రాణాలతో బయటపడ్డాడు.
ఘటన సమాచారం అందుకున్న పోలీసులు, స్థానిక అధికారులు సంఘటనా స్థలానికి చేరుకుని పరిస్థితిని పరిశీలించారు. ప్రమాదానికి సంబంధించిన వివరాలు సేకరిస్తున్నారు. లారీ లోయలో పడిపోవడంతో కొంతసేపు ఘాట్ రోడ్డులో వాహనాల రాకపోకలకు అంతరాయం ఏర్పడింది.డ్రైవర్ చాకచక్యంగా వ్యవహరించడంతో భారీ ప్రమాదం తప్పిందని స్థానికులు అభిప్రాయపడుతున్నారు.
