GOVT | ఏ లావాదేవీలకు పాన్ తప్పనిసరి? పూర్తి వివరాలు ఇవే!
GOVT | ఏ లావాదేవీలకు పాన్ తప్పనిసరి? పూర్తి వివరాలు ఇవే!
GOVT | ఆంధ్రప్రభ, వెబ్ డెస్క్ : ఈ రోజుల్లో పాన్ కార్డ్ అనేది కేవలం ఒక గుర్తింపు కార్డు మాత్రమే కాదు, మన ఆర్థిక లావాదేవీలకు అత్యంత కీలకమైన ఆధారం. అయితే, మారుతున్న కాలానికి అనుగుణంగా పన్ను ఎగవేతలను అరికట్టేందుకు ప్రభుత్వం పాన్ కార్డ్ పరిమితుల్లో కొన్ని మార్పులు తీసుకొచ్చింది. వాహనాల కొనుగోలు, ఇన్సూరెన్స్ ప్రీమియంలు, విదేశీ ప్రయాణాల లాంటి రోజువారీ ట్రాన్సాక్షన్లపై ఈ కొత్త నిబంధనల ప్రభావం ఎలా ఉండబోతోందో ఇప్పుడు చూద్దాం…
- బ్యాంక్ డిపాజిట్లు
ఒకే రోజులో రూ. 50,000 కంటే తక్కువ మొత్తాన్ని బ్యాంక్ ఖాతాలో డిపాజిట్ చేయడానికి పాన్ కార్డ్ అవసరం లేదు. - విత్డ్రాలు, ఆస్తి కొనుగోళ్లు
ఒక ఆర్థిక సంవత్సరంలో రూ. 10 లక్షలకు మించిన నగదు విత్డ్రాలకు పాన్ కార్డ్ తప్పనిసరి. అలాగే, రూ. 20 లక్షలు దాటిన ఆస్తి కొనుగోళ్లకు కూడా పాన్ కార్డ్ సమర్పించాల్సి ఉంటుంది. - వాహనాల కొనుగోలు
మీరు ఏదైనా కొత్త లేదా పాత వాహనాన్ని కొనుగోలు చేస్తున్నప్పుడు, దాని విలువ రూ. 5 లక్షల కంటే ఎక్కువగా ఉంటే ఖచ్చితంగా పాన్ కార్డ్ వివరాలను అందించాలి. - రియల్ ఎస్టేట్ / ఆస్తి లావాదేవీలు
స్థలాలు, ఇళ్లు లేదా ఏదైనా స్థిరాస్తి లావాదేవీల విలువ రూ. 45 లక్షలు దాటితే, ఆ లావాదేవీలకు ఖచ్చితంగా పాన్ కార్డ్ కలిగి ఉండాలి. - ఇన్సూరెన్స్ ప్రీమియం
ఇన్సూరెన్స్కు సంబంధించి మీ పాలసీ ప్రీమియం మొత్తం ఎంత ఉన్నప్పటికీ (చిన్న మొత్తం అయినా, పెద్ద మొత్తం అయినా) పాన్ కార్డ్ సమర్పించడం ఇప్పుడు తప్పనిసరి చేయబడింది. - విదేశీ ప్రయాణాలు & విదేశీ కరెన్సీ
విదేశీ ప్రయాణ ఖర్చులు లేదా విదేశీ కరెన్సీ కొనుగోలు కోసం ఒకేసారి రూ. 50,000 కన్నా ఎక్కువ చెల్లింపులు చేస్తే పాన్ కార్డ్ తప్పనిసరిగా ఇవ్వాలి. - బ్యాంకులు, పోస్టాఫీసులు, ఎన్బీఎఫ్సీ డిపాజిట్లు
బ్యాంకులు, పోస్టాఫీసులు లేదా నాన్-బ్యాంకింగ్ ఫైనాన్షియల్ కంపెనీలలో ఒకేసారి రూ. 50,000 కన్నా ఎక్కువ డిపాజిట్ చేసినా… లేదా ఏడాది మొత్తంలో రూ. 5 లక్షలు దాటి డిపాజిట్ చేసినా పాన్ కార్డ్ అవసరమవుతుంది.
ఇంతకుముందు పాన్ కార్డ్ లేని వారు ఆర్థిక లావాదేవీల కోసం ఫామ్ 60ని ఉపయోగించేవారు. అయితే తాజా నిబంధనల ప్రకారం, పాన్ కార్డ్ లేని వారి కోసం ఫామ్ 60 స్థానంలో కొత్తగా ఫామ్ 97 ను ప్రభుత్వం ప్రవేశపెట్టింది. పెద్ద మొత్తంలో ఆర్థిక లావాదేవీలు జరిపేవారు ఎలాంటి ఇబ్బందులు పడకుండా ఉండటానికి తమ పాన్ కార్డ్ను అప్డేట్గా ఉంచుకోవడం మంచిది.
CLICK HERE TO READ hero| మార్కెట్లోకి సూపర్ స్ప్లెండర్ XTEC 2.0
