చెన్నూరులో ఘనంగా రాజీవ్ గాంధీ వర్ధంతి

చెన్నూరులో ఘనంగా రాజీవ్ గాంధీ వర్ధంతి

చెన్నూర్, ఆంధ్రప్రభ:
మంచిర్యాల జిల్లా చెన్నూరు నియోజకవర్గ కాంగ్రెస్ పార్టీ క్యాంప్ కార్యాలయంలో దేశ మాజీ ప్రధాని, భారత రత్న స్వర్గీయ రాజీవ్ గాంధీ వర్ధంతి వేడుకలను స్థానిక నాయకులు, కార్యకర్తలు ఘనంగా నిర్వహించారు. వర్ధంతిని పురస్కరించుకొని కాంగ్రెస్ శ్రేణులు రాజీవ్ గాంధీ చిత్రపటానికి పూలమాలలు వేసి భావగర్భితంగా నివాళులర్పించారు.

ఈ సందర్భంగా పలువురు కాంగ్రెస్ నాయకులు మాట్లాడుతూ.. భారతదేశాన్ని ఆధునిక ప్రగతి పథంలో నడిపించిన దార్శనిక నేత రాజీవ్ గాంధీ అని కొనియాడారు. దేశంలో సమాచార సాంకేతిక (ఇన్ఫర్మేషన్ టెక్నాలజీ) విప్లవానికి బలమైన పునాదులు వేయడంతో పాటు, 18 ఏళ్లకే యువతకు ఓటు హక్కు కల్పించి ప్రజాస్వామ్యంలో వారి భాగస్వామ్యాన్ని పెంచిన ఘనత ఆయనకే దక్కుతుందని కొనియాడారు. ఆయన ఆశయాల సాధన కోసం ప్రతి ఒక్కరూ కృషి చేయాలని పిలుపునిచ్చారు. ఈ కార్యక్రమంలో స్థానిక కాంగ్రెస్ పార్టీ ముఖ్య నాయకులు, నియోజకవర్గ కార్యకర్తలు మరియు పట్టణ ప్రజలు పాల్గొన్నారు.