బ్రెస్ట్ క్యాన్స‌ర్‌కు దూరంగా ఉండొచ్చు….
నకిరేకల్, ఆంధ్ర ప్రభ : ప్రతి మనిషి తన జీవనశైలిలో మార్పులు చేసుకోవడం వల్ల వివిధ రకాల క్యాన్సర్లతో పాటు బ్రెస్ట్ క్యాన్సర్(Breast cancer కు దూరంగా ఉండవచ్చని నకిరేకల్ ఎమ్మెల్యే వేముల వీరేశం సతీమణి వేముల పుష్ప, ఐఎంఏ నకిరేకల్ శాఖ అధ్యక్షుడు డాక్టర్ రాపోలు రఘునందన్ పేర్కొన్నారు.
ఈ రోజు స్థానిక శ్రీనివాస నర్సింగ్ హోమ్(Srinivasa Nursing Home)లో డాక్టర్ రాపోలు ఫౌండేషన్, నల్లగొండ ఓబిజీ సొసైటీ ఆధ్వర్యంలో ఉచిత మెగా వైద్య శిబిరం నిర్వహించారు. ఈ శిబిరంలో మహిళలకు, పురుషులకు హెచ్ బి, ఆర్ బి ఎస్, బిఎండి, టీ 3, టి4, టిఎస్ హెచ్(HB, RBS, BMD, T3, T4, TSH) పరీక్షలు ఉచితంగా నిర్వహించారు. ఈ సందర్భంగా వారు మాట్లాడుతూ.. జీవన విధానంలో కొత్త పోకడలు కాకుండా పూర్వ పద్ధతులు పాటించాలన్నారు.
కార్యక్రమంలో సిఐఓఎన్ క్యాన్సర్ హాస్పిటల్ ఆంకో సర్జన్ డాక్టర్ వినయ్, మునిసిపల్ చైర్మన్ చౌగోని రజిత శ్రీనివాస్ గౌడ్ , వైస్ చైర్మన్ మురారిశెట్టి, ఉమారాణి, కృష్ణమూర్తి, శ్రీనివాస నర్సింగ్ హోమ్ సిబ్బంది పాల్గొన్నారు.
