ప్రజల గడపకే టీడీపీ..

విజయవాడ, ఆంధ్రప్రభ : ప్రజల సమస్యలను నేరుగా తెలుసుకుని వాటి పరిష్కారానికి కృషి చేయడమే ‘ఇంటింటికీ తెలుగుదేశం’ కార్యక్రమం ప్రధాన ఉద్దేశమని టీడీపీ జాతీయ ఉపాధ్యక్షుడు, విజయవాడ పశ్చిమ నియోజకవర్గ ఇన్‌చార్జి బుద్ధా వెంకన్న అన్నారు. ప్రజలకు ఎల్లప్పుడూ అందుబాటులో ఉంటూ వారి సమస్యల పరిష్కారానికి నిరంతరం కృషి చేస్తామని తెలిపారు.

విజయవాడ పశ్చిమ నియోజకవర్గంలోని 46వ డివిజన్‌ లంబాడిపేటలో శనివారం నిర్వహించిన ‘ఇంటింటికీ తెలుగుదేశం’ కార్యక్రమంలో బుద్ధా వెంకన్న పాల్గొన్నారు. ప్రతి ఇంటికీ వెళ్లి స్థానికులను ఆత్మీయంగా కలుసుకుని వారి సమస్యలను స్వయంగా అడిగి తెలుసుకున్నారు. స్థానికంగా నెలకొన్న సమస్యలను తమ దృష్టికి తీసుకురావాలని ప్రజలను కోరారు.

ఈ సందర్భంగా బుద్ధా వెంకన్న మాట్లాడుతూ ప్రజల వద్దకు వెళ్లి వారి సమస్యలను తెలుసుకోవడంతో పాటు వాటి పరిష్కారానికి అవసరమైన చర్యలు తీసుకోవడమే కార్యక్రమం లక్ష్యమన్నారు. ప్రభుత్వం అందిస్తున్న సంక్షేమ, అభివృద్ధి ఫలాలు అర్హులైన ప్రజలకు అందేలా చూడడంతో పాటు స్థానిక సమస్యలను సంబంధిత అధికారుల దృష్టికి తీసుకెళ్లి పరిష్కరించేందుకు కృషి చేస్తామని తెలిపారు.

పశ్చిమ నియోజకవర్గంలో ప్రజలకు అందుబాటులో ఉంటూ వారి సమస్యలను ప్రాధాన్యత క్రమంలో పరిష్కరించేందుకు టీడీపీ శ్రేణులు పనిచేస్తాయని వెంకన్న పేర్కొన్నారు. ప్రజలతో నేరుగా మమేకమై వారి అభిప్రాయాలను తెలుసుకోవడం ద్వారా నియోజకవర్గ అభివృద్ధికి మరింత సమర్థవంతమైన చర్యలు చేపట్టే అవకాశం ఉంటుందని అన్నారు.

ప్రజల అవసరాలు, స్థానిక సమస్యలను గుర్తించి సంబంధిత అధికారులతో సమన్వయం చేసుకుంటూ పరిష్కారానికి కృషి చేస్తామని తెలిపారు. నియోజకవర్గ అభివృద్ధిలో ప్రజల భాగస్వామ్యాన్ని పెంచుతూ ముందుకు సాగుతామని బుద్ధా వెంకన్న పేర్కొన్నారు.

కార్యక్రమంలో స్థానిక టీడీపీ నాయకులు, కార్యకర్తలు, డివిజన్‌ నాయకులు, పార్టీ శ్రేణులు పాల్గొన్నారు.