500 Yrs |చౌడేపల్లి అభీష్టద మృత్యుంజయేశ్వర స్వామి
500 Yrs | చౌడేపల్లి అభీష్టద మృత్యుంజయేశ్వర స్వామి
అకాల మృత్యు భయాన్ని తొలగించే దైవక్షేత్రం
మృత్యుంజయేశ్వరుడి ఆవిర్భావం వెనుక అద్భుత గాథ
భక్తుల ప్రాణరక్షకుడిగా మృత్యుంజయుడు
రుద్రాభిషేక మహాత్మ్యం – దోషాలను తొలగించే దివ్యసేవ
సోమవారం దర్శనం – భక్తితో నిండిన మహాదినం
నమ్మకమే నడిపించే పవిత్ర క్షేత్రం
500 Yrs | అకాల మృత్యు భయం, అనారోగ్యాల ఆందోళన, ప్రాణగండాల భీతి… ఇవన్నీ మనిషిని లోపల నుంచే కుదిపేసే భయంకర పరిస్థితులు. అలాంటి వేళ భక్తుడికి ధైర్యం, నమ్మకం, ఆశనిచ్చే పవిత్ర దైవక్షేత్రంగా చిత్తూరు జిల్లా చౌడేపల్లిలో వెలసిన అభీష్టద మృత్యుంజయేశ్వర స్వామి ఆలయం శతాబ్దాలుగా భక్తుల అచంచల విశ్వాసానికి ప్రతీకగా నిలుస్తోంది. సుమారు 500 సంవత్సరాల చరిత్ర కలిగిన ఈ ఆలయం, ‘మృత్యువును జయించే శివుడు’గా కొలువైన మృత్యుంజయేశ్వరుని దివ్య మహిమను తరతరాలకు చాటి చెబుతోంది. చుట్టూ కొండలు, ప్రశాంతమైన ప్రకృతి, ఆధ్యాత్మిక శాంతిని ప్రసరించే వాతావరణం నడుమ ఈ క్షేత్రం భక్తుల మనసులకు అపార తృప్తిని అందిస్తోంది.
ఈ ఆలయ చరిత్ర వెనుక ఒక అద్భుతమైన ఆధ్యాత్మిక గాథ దాగి ఉంది. 1675 సంవత్సరంలో పుంగనూరు జమీందార్ రాజా ఇమ్మడి చిక్కరాయులు ఈ ఆలయాన్ని నిర్మించినట్లు శాసనాలు, సంప్రదాయ కథనాలు చెబుతున్నాయి. అప్పట్లో ఆయన ఒకసారి తీవ్రమైన అనారోగ్యానికి గురై మరణశయ్యపై ఉండగా, స్వామి వారి దివ్య కటాక్షంతో మృత్యువును జయించినట్టు భక్తులు విశ్వసిస్తారు. స్వామి వారు తన ప్రాణాలను కాపాడినందుకు కృతజ్ఞతగా ఈ ఆలయాన్ని నిర్మించారని చెబుతారు.
మరో కథనం ప్రకారం, ఇమ్మడి చిక్కరాయులకు స్వప్నంలో పార్వతీ–పరమేశ్వరులు దర్శనమిచ్చి ఒక నిర్దిష్ట ప్రాంతంలో తమ ఉత్సవమూర్తులు ఉన్నాయని సూచించారట. వాటిని వెతుకుతూ వచ్చిన జమీందారు చౌడేపల్లిలో విశ్రాంతి తీసుకున్నప్పుడు స్వామి వారు “ఇక్కడే ప్రతిష్ఠించు” అని దివ్య ఆదేశం ఇచ్చినట్లు చెబుతారు. ఆ క్షణం నుంచే ఈ క్షేత్రానికి విశేష దైవిక ప్రాధాన్యత ఏర్పడింది. కొద్ది కాలానికే జమీందారు మృత్యు ప్రమాదం నుంచి బయటపడటంతో స్వామికి ‘అభీష్టద మృత్యుంజయేశ్వరుడు’ అనే నామం స్థిరపడింది.
500 Yrs | మృత్యుంజయుడు – భక్తుల ప్రాణరక్షకుడు
ఇక్కడి శివుడు సాధారణ లింగరూపంలో కాకుండా భక్తులను కాపాడే మృత్యుంజయుడిగా పూజలందుకుంటున్నాడు. అకాల మృత్యు దోషాలు, ప్రాణగండాలు, దీర్ఘకాలిక అనారోగ్యాలు తొలగిపోతాయన్న దృఢ విశ్వాసం ఈ క్షేత్రానికి ప్రధాన ఆకర్షణ. అందుకే ఆంధ్రప్రదేశ్ నుంచే కాకుండా కర్ణాటక, తమిళనాడు రాష్ట్రాల నుంచి కూడా భక్తులు పెద్ద సంఖ్యలో తరలివస్తుంటారు.
ప్రత్యేకించి ఆరోగ్య సమస్యలతో బాధపడే కుటుంబాలు, ఆసుపత్రుల్లో చికిత్స పొందుతున్న వారి బంధువులు, ఐసీయూలో ఉన్న రోగుల పేరుతో ఇక్కడ భక్తిశ్రద్ధలతో రుద్రాభిషేకాలు, అఖండ దీపారాధనలు చేయించడం సాధారణంగా కనిపిస్తుంది. “ఇక్కడ పూజ చేసిన తర్వాత కోలుకున్నాం” అని అనేక మంది భక్తులు తమ అనుభవాలను వెల్లడించడం ఈ ఆలయ విశ్వాసాన్ని మరింత బలపరుస్తోంది.
500 Yrs | రుద్రాభిషేక మహాత్మ్యం – నిత్యసేవలో నిండిన శక్తి
చౌడేపల్లి మృత్యుంజయేశ్వర స్వామి ఆలయంలో ప్రతిరోజూ ఉదయం 7 గంటలకు పవిత్ర రుద్రాభిషేకం నిర్వహించడం ఆనవాయితీ. ఆరోగ్య సమస్యలు తీవ్రమైన వారు 11, 22 లేదా 44 రోజుల పాటు నిరంతరంగా రుద్రాభిషేకాలు చేయించడం ఇక్కడి సంప్రదాయం.
అఖండ దీపారాధన కూడా ఈ క్షేత్రంలో అత్యంత పవిత్రమైన సేవగా భావించబడుతుంది. అకాల మృత్యు దోషం, ప్రాణగండం తొలగించేందుకు భక్తులు అఖండ దీపాన్ని వెలిగిస్తారు. ఈ దీపం వెలిగినంతకాలం స్వామి వారి దివ్య కటాక్షం ఆ కుటుంబంపై ఉంటుందని భక్తులు విశ్వసిస్తారు.
ఈ ఆలయ ప్రాంగణంలో అభీష్టద మృత్యుంజయేశ్వరునితో పాటు ప్రసన్న పార్వతి అమ్మ, వినాయక స్వామి, సుబ్రహ్మణ్య స్వామి, వీరభద్ర స్వామి, భద్రకాళి, దక్షిణామూర్తి ఉపాలయాలు కొలువు తీరాయి. ఇది శివ–శక్తి సమైక్య భావనకు ప్రతీకగా నిలుస్తుంది. ఒక్క దర్శనంతోనే అనేక దేవతల దివ్య ఆశీస్సులు పొందే అరుదైన అవకాశం ఇక్కడ లభిస్తుంది.
500 Yrs | సోమవారం – భక్తితో నిండిన మహాదినం
సోమవారం రోజున ఈ ఆలయంలో భక్తుల రద్దీ విశేషంగా ఉంటుంది. శివుడికి ప్రీతికరమైన ఈ రోజున ప్రత్యేక పూజలు, అభిషేకాలు, నామస్మరణతో ఆలయం మార్మోగుతుంది. కొండల నడుమ వినిపించే శివనామ జపం, గంటల నాదం, దీపాల వెలుగులు భక్తుల మనసుల్లో అపూర్వ ఆధ్యాత్మిక ఆనందంను కలిగిస్తాయి.
500 Yrs | నమ్మకమే నడిపించే దైవక్షేత్రం
చౌడేపల్లి అభీష్టద మృత్యుంజయేశ్వర స్వామి ఆలయం కేవలం ఒక పురాతన కట్టడమే కాదు… భక్తుల ప్రాణ విశ్వాసానికి నిలువెత్తు రూపం. అకాల మృత్యువును జయించిన దేవుడిగా, జీవనంలో ధైర్యం నింపే దైవస్వరూపంగా ఈ స్వామి భక్తుల హృదయాల్లో శాశ్వతంగా నిలిచిపోయాడు.
అనారోగ్యం, భయం, ఆందోళనతో కుంగిపోయిన మనసులకు ఇక్కడ ఒక ఆశాకిరణం కనిపిస్తుంది.
“భయాన్ని వదిలి భక్తితో వస్తే చాలు… మృత్యుంజయుడు కాపాడతాడు” అన్న దృఢ విశ్వాసమే ఈ క్షేత్రాన్ని శతాబ్దాలుగా నిలబెట్టింది.
అందుకే… ప్రాణగండాల నుంచి విముక్తి, ఆరోగ్య రక్షణ, జీవితంలో ధైర్యం కోరుకునే ప్రతి భక్తుడికి చౌడేపల్లి మృత్యుంజయేశ్వరుడు ఒక పవిత్ర ఆశ్రయం.
ఇక్కడి శివుడు నిజంగా మృత్యువును జయించే మహాశక్తి.
– సాటి. గంగాధర్, చిత్తూరు బ్యూరో
CLICK HERE TO READ MORE : 04 Mar 2026 | తిరుమల శ్రీవారి ఆలయ సమాచారం..
500 Yrs | ఆంధ్రప్రభ బ్యూరో, చిత్తూరు : అకాల మృత్యు భయం, అనారోగ్యాల ఆందోళన, ప్రాణగండాల భీతి… ఇవన్నీ మనిషిని లోపల నుంచే కుదిపేసే భయంకర పరిస్థితులు. అలాంటి వేళ భక్తుడికి ధైర్యం, నమ్మకం, ఆశనిచ్చే పవిత్ర దైవక్షేత్రంగా చిత్తూరు జిల్లా చౌడేపల్లిలో వెలసిన అభీష్టద మృత్యుంజయేశ్వర స్వామి ఆలయం శతాబ్దాలుగా భక్తుల అచంచల విశ్వాసానికి ప్రతీకగా నిలుస్తోంది. సుమారు 500 సంవత్సరాల చరిత్ర కలిగిన ఈ ఆలయం, ‘మృత్యువును జయించే శివుడు’గా కొలువైన మృత్యుంజయేశ్వరుని దివ్య మహిమను తరతరాలకు చాటి చెబుతోంది. చుట్టూ కొండలు, ప్రశాంతమైన ప్రకృతి, ఆధ్యాత్మిక శాంతిని ప్రసరించే వాతావరణం నడుమ ఈ క్షేత్రం భక్తుల మనసులకు అపార తృప్తిని అందిస్తోంది.
ఈ ఆలయ చరిత్ర వెనుక ఒక అద్భుతమైన ఆధ్యాత్మిక గాథ దాగి ఉంది. 1675 సంవత్సరంలో పుంగనూరు జమీందార్ రాజా ఇమ్మడి చిక్కరాయులు ఈ ఆలయాన్ని నిర్మించినట్లు శాసనాలు, సంప్రదాయ కథనాలు చెబుతున్నాయి. అప్పట్లో ఆయన ఒకసారి తీవ్రమైన అనారోగ్యానికి గురై మరణశయ్యపై ఉండగా, స్వామి వారి దివ్య కటాక్షంతో మృత్యువును జయించినట్టు భక్తులు విశ్వసిస్తారు. స్వామి వారు తన ప్రాణాలను కాపాడినందుకు కృతజ్ఞతగా ఈ ఆలయాన్ని నిర్మించారని చెబుతారు.
