Youth Voice | జంతర్ మంతర్ ధర్నాపై తీన్మార్ మల్లన్న స్పందన

Youth Voice | ఆంధ్రప్రభ, వెబ్‌డెస్క్‌: దేశంలోని యువత ప్రశ్నించే దిశగా ముందుకు రావడం శుభపరిణామమని ఎమ్మెల్సీ తీన్మార్ మల్లన్న అభిప్రాయపడ్డారు. అమెరికా పర్యటనలో ఉన్న ఆయన తెలంగాణ ప్రజలతో మాట్లాడిన సందర్భంగా ఢిల్లీలోని జంతర్ మంతర్ వద్ద కాక్రోచ్ జనతా పార్టీ నిర్వహించిన ధర్నాపై స్పందించారు.

దేశ యువత మేల్కొంటోందని, సమస్యలపై ప్రశ్నించే స్వరం పెరుగుతోందని మల్లన్న అన్నారు. యువత నిరసన గళం వినిపించడం ప్రజాస్వామ్యానికి మంచి సంకేతమని వ్యాఖ్యానించారు. సామాజిక, విద్యా, ఉపాధి సంబంధిత అంశాలపై యువత ముందుకు రావడం అవసరమని ఆయన అభిప్రాయపడ్డారు. జంతర్ మంతర్‌లో నిర్వహించిన ధర్నా ద్వారా యువత తమ ఆవేదనను దేశానికి తెలియజేసిందని మల్లన్న పేర్కొన్నారు. సమస్యలపై ప్రశ్నించడం, హక్కుల కోసం శాంతియుతంగా పోరాడడం ప్రజాస్వామ్యంలో కీలకమని తెలిపారు. ప్రజా సమస్యలపై యువత చైతన్యం పెరగడం దేశ భవిష్యత్తుకు బలమైన సంకేతమని మల్లన్న అన్నారు. యువత ఉద్యమాలు ప్రజాస్వామ్య వ్యవస్థను మరింత బలోపేతం చేస్తాయని ఆయన వ్యాఖ్యానించారు.