తెలంగాణ హైకోర్టులో మాజీ మంత్రి, బీఆర్ఎస్ ఎమ్మెల్యే హరీశ్ రావుకు స్వ‌ల్ప ఊరట లభించింది. పంజాగుట్ట పోలీస్ స్టేషన్‌లో తనపై నమోదైన ఫోన్ ట్యాపింగ్ కేసును కొట్టివేయాలని హరీష్ రావు హైకోర్టులో పిటిషన్ దాఖలు చేశారు.
ఈ పిటిషన్‌పై విచారించిన న్యాయస్థానం.. హరీశ్‌రావును అరెస్టు చేయరాదంటూ గతంలో ఇచ్చిన మధ్యంతర ఉత్తర్వులను మరోసారి పొడిగించింది.
ఈ నెల 12 వరకు హరీశ్‌రావును అరెస్టు చేయవద్దని హైకోర్టు పోలీసులను ఆదేశించింది. అనంతరం తదుపరి విచారణను ఈ నెల 12వ తేదీకి వాయిదా వేసింది.
