Nallagonda | ప‌ల్లెల స్వరూపాన్ని మారుస్తా!
- ప‌లు అభివృద్ధి కార్య‌క్ర‌మాలు ప్రారంభించిన మంత్రి కోమటిరెడ్డి
Nallagonda | న‌ల్ల‌గొండ, ఆంధ్ర‌ప్ర‌భ : ప‌ల్లెల స్వరూపాన్ని మారుస్తామ‌ని, స్థానిక ఎన్నిక‌ల్లో మంచి నాయ‌కుల‌ను ఎన్నుకోవాల‌ని రాష్ట్ర రోడ్లు భవనాలు, సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి(Mantri Komati Reddy Venkata Reddy) అన్నారు. ఈ రోజు నల్గొండ మున్సిపాలిటీ ప‌రిధి నాగార్జునసాగర్ ఎక్స్ రోడ్ నుండి ధర్వేశిపురం ఎల్లమ్మ దేవాలయం వరకు మహబూబ్‌న‌గర్- న‌ల్ల‌గొండ(Mahbubnagar- Nallagonda) నాలుగు లైన్ల రహదారి నిర్మాణం, సెంట్రల్ మీడియన్(central median), సెంట్రల్ లైటింగ్ 50 కోట్ల రూపాయలతో చేప‌ట్ట‌నున్న నిర్మాణానికి శంకుస్థాపన చేశారు.
అనంతరం మంత్రి మాట్లాడుతూ వారం రోజుల్లో సాగర్ ఎక్స్ రోడ్ నుండి ధర్వేశిపురం వరకు నిర్మించే నాలుగు లైన్ల రహదారి పనులను ప్రారంభిస్తామని తెలిపారు. ధర్వేశిపురం వద్ద జరిగిన రోడ్డు ప్రమాదాలను దృష్టిలో ఉంచుకొని ఇప్ప‌టికే 12 కోట్ల రూపాయలతో సీసీ రోడ్డుతో పాటు , సెంట్రల్ లైటింగ్, సెంట్రల్ మీడియన్ కట్టించామని తెలిపారు.
కొత్తపల్లి ముషంపల్లి రహదారులతోపాటు జిల్లాలో అన్ని రహదారుల అభివృద్ధికి కృషి చేస్తున్నామని మంత్రి తెలిపారు. అన్ని గ్రామాలకు రోడ్లతో పాటు, మురుగు కాలువలను నిర్మిస్తున్నామని, ఏఎంఆర్సీ(AMRC) కాలువల లైనింగ్ కు రూ. 450 కోట్లు మంజూరు చేయించామన్నారు.
న‌ల్ల‌గొండ ప‌రిధి బొట్టు గూడ లోని ప్రతీక్ ఫౌండేషన్(Prateik Foundation) నిర్మించిన ప్రభుత్వ పాఠశాల భ‌వ‌నాల‌ను డిసెంబర్ లో రాష్ట్ర ముఖ్యమంత్రి ప్రారంభిస్తార‌ని అన్నారు. ఈ కార్య‌క్ర‌మంలో ఆర్ అండ్ బి ఎగ్జిక్యూటివ్ ఇంజనీర్ శ్రీధర్ రెడ్డి , మున్సిపల్ కమిషనర్ సయ్యద్ ముసాబ్ అహ్మద్ ,మాజీ మున్సిపల్ చైర్మన్ బుర్రి శ్రీనివాసరెడ్డి, తదితరులు పాల్గొన్నారు.
