2026-Solar-Eclipse : సూర్యుడు మాయమైన వేళ.. Andara Prabha Top News
2026-Solar-Eclipse : సూర్యుడు మాయమైన వేళ.. Andara Prabha Top News
- చీకటిలోకి ఐరోపా!
- అరుదైన సంపూర్ణ గ్రహణం
- అద్భుత దృశ్యం
- భారతీయలకు నిరాశ
(ఆంధ్రప్రభ, మాడ్రిడ్ (స్పెయిన్)
భారతీయులు వీక్షించలేని అద్భుత సంపూర్ణ సూర్యగ్రహం ఐరోపా వాసులను అబ్బుర పరచింది. భారత కాలమానం ప్రకారం బుధవారం అర్థరాత్రి నుంచి తెల్లవారు జాము వరకూ సూర్యగ్రహం సాగింది. గ్రీన్ ల్యాండ్ లో సూర్యాస్తమ సమయానికి సూర్య గ్రహణం వీడింది. రష్యా నుంచి గ్రీన్ ల్యాండ్ వరకూ ఆకాశాన్ని అబ్బురపరిచింది.
ఐస్లాండ్లోని కొన్ని ప్రాంతాలు, ఉత్తర స్పెయిన్, ఈశాన్య పోర్చుగల్లోని ఒక చిన్న మూలలోని ప్రధాన వీక్షణా ప్రదేశాలు సంపూర్ణ గ్రహణ మార్గంలో ఉన్నాయి. ఈ సంపూర్ణ గ్రహణ మార్గంలో అంటే, సూర్యుడు పూర్తిగా కనుమరుగైనప్పుడు ఆకాశం క్షణకాలం పాటు చీకటిగా మారిన భూభాగాలలో. ఇది కొందరికి, ముఖ్యంగా స్పెయిన్లోని పరిశీలకులకు ఒక అరుదైన సూర్యాస్తమయ గ్రహణాన్ని సృష్టించింది.
పాక్షిక గ్రహణం ఉత్తర అమెరికా, కెనడా, ఐరోపాలోని చాలా ప్రాంతాలు వాయువ్య ఆఫ్రికా మీదుగా ఆదిత్యుడి గ్రహణ గమనం సాగింది. ఈ గ్రహణ మార్గానికి వెలుపల ప్రాంతాల వీక్షకుల కోసం, యూరోపియన్ స్పేస్ ఏజెన్సీ స్పెయిన్లోని టెరుయెల్లో జావాలంబ్రే ఆస్ట్రోఫిజికల్ అబ్జర్వేటరీ నుండి సంపూర్ణ గ్రహణం ప్రత్యక్ష ప్రసారాన్ని పంచుకుంది. నాసా కూడా మధ్యాహ్నం 1:15 గంటలకు (ET) గ్రహణ మార్గ దృశ్యాలను ప్రత్యక్ష ప్రసారం చేసింది.
2026-Solar-Eclipse : రష్యాలో ఆరంభమై..
ఉత్తర రష్యాలోని తైమూర్ ద్వీపకల్పం వద్ద భారత కాలమానం ప్రకారం ఆగస్టు 12, రాత్రి 10:30 గంటలకు సంపూర్ణ సూర్య గ్రహణం ప్రారంభమైంది. రాత్రి 11:15 గంటలకు పూర్తి స్తాయికి చేరింది. (UTC గ్రహణ మార్గం చివరిగా స్పెయిన్ మీదుగా సాగి, భారత కాలమానం ప్రకారం ఆగస్టు 13, తెల్లవారుజామున సుమారు 02:15 AM – 02:45 AM) ముగిసింది. ఈ గ్రహణాన్ని “సన్సెట్ ఎక్లిప్స్” (Sunset Eclipse) అని పిలుస్తారు, ఎందుకంటే స్పెయిన్ వంటి ప్రాంతాల్లో సూర్యుడు అస్తమించే సమయంలోనే ఈ గ్రహణం సంభవించింది.
2026-Solar-Eclipse : సంధ్య వేళ.. అద్భుత దృశ్యం
స్పెయిన్, పోర్చుగల్ ఈశాన్య కొనలో ఒక అరుదైన దృశ్యం కనిపించింది, ఇక్కడ దాదాపు 2 నిమిషాల పాటు కొనసాగిన సంపూర్ణ గ్రహణం సూర్యాస్తమయానికి కొద్దిసేపటి ముందు సంభవించింది. లియోన్లో, స్థానిక కాలమానం ప్రకారం రాత్రి 8:28 గంటలకు సంపూర్ణ సూర్యగ్రహణం ప్రారంభమై, రాత్రి 8:30 గంటలకు ముగిసింది.
