కోల్ కతా: టీమిండియా మాజీ కెప్టెన్, బీసీసీఐ మాజీ అధ్యక్షుడు సౌరవ్ గంగూలీ సోదరుడు, క్యాబ్ అధ్యక్షుడు స్నేహాశిష్ గంగూలీకి తృటిలో ప్రాణాపాయం తప్పింది.
ఆయనతో పాటు ఆయన భార్య కూడా ఉన్నారు. ఒడిశాలోని పూరీ బీచ్‌లో గంగూలీ సోదరుడు స్నేహాశిష్ గంగూలీ తన భార్య అర్పితతో కలిసి స్పీడ్ బోట్ నడుపుతుండగా.. అకస్మాత్తుగా బలమైన అల కారణంగా ఇద్దరూ మునిగిపోవడం ప్రారంభించారు. వారిద్దరు సముద్ర నీటిలో మునిగిపోతుండగా.. స్థానిక బోట్ డ్రైవర్లు, మత్స్యకారులు వారిని రక్షించారు.
ఈ ఘటన శనివారం సాయంత్రం లైట్ హౌస్ సమీపంలో జరిగింది. ప్రాణాపాయం నుంచి బయటపడిన స్నేహాశిష్ దంపతులు ప్రస్తుతం కోల్‌కతాకు చేరుకున్నారు. అర్పిత తన సోషల్ మీడియా ఖాతాలో ఒక వీడియోను షేర్ చేసి.. ఈ భయంకరమైన ఘటన గురించి తెలియజేసింది. దేవుడి దయ వల్ల తాము ప్రాణాపాయం నుంచి బయటపడ్డామని అర్పిత చెప్పుకొచ్చారు.
తృటిలో తప్పించుకున్న గంగూలీ సోదరుడు, వదినసౌరవ్ గంగూలీ అన్నయ్య స్నేహాశిష్ గంగూలీ, ఆయన భార్య అర్పిత పూరిలో జరిగిన పడవ ప్రమాదం నుంచి తృటిలో తప్పించుకున్నారు.
నిజానికి ఆ జంట పూరీలో స్పీడ్ బోట్ రైడ్‌ను ఆస్వాదిస్తుండగా.. బలమైన అల వచ్చింది. దాని కారణంగా పడవ బోల్తా పడింది. పడవ బోల్తా పడడంతో స్నేహాశిష్, అర్పిత సముద్రంలో పడి మునిగిపోవడం ప్రారంభించారు. అర్పిత షేర్ చేసిన వీడియోలో లైఫ్‌గార్డ్ ధైర్యం వల్లే తమ ఇద్దరి ప్రాణాలు కాపాడబడ్డాయని చెప్పింది. ఈ ఘటన తర్వాత తాను ఇంకా షాక్‌లోనే ఉన్నానని ఆమె అన్నారు. కోల్ కతాకు తిరిగి వచ్చిన తర్వాత ఈ ఘటనకు సంబంధించి పూరి ఎస్పీకి, ఒడిశా ముఖ్యమంత్రికి లేఖ రాస్తానని చెప్పారు.
అర్పితా గంగూలీ ఏమన్నారంటే?
పడవలో ప్రయాణీకుల సామర్థ్యం చాలా తక్కువగా ఉందని, దీని కారణంగా పడవ చాలా తేలికగా ఉండటం వల్ల పడవ బోల్తా పడిందని అర్పితా గంగూలీ తెలిపారు. పడవ సామర్థ్యం దాదాపు 10 మంది అని, కానీ డబ్బు కోసం దురాశ కారణంగా, పడవలో ముగ్గురు నుండి నలుగురిని ఎక్కువగా ఎక్కించాలని ఆమె వెల్లడించారు. వారు ఎక్కిన పడవ సముద్రంలోకి ప్రవేశించిన వెంటనే ఒక పెద్ద అల పడవను తాకడంతో సమతుల్యతను కోల్పోయిందని ఆమె చెప్పారు.
స్నేహాశిష్ గంగూలీ కూడా క్రికెటరే..56 ఏళ్ల స్నేహాశిష్ గంగూలీ ప్రస్తుతం బెంగాల్ క్రికెట్ అసోసియేషన్ అధ్యక్షుడిగా ఉన్నారు. ఆయన కూడా క్రికెటరే. స్నేహాశిష్ 59 ఫస్ట్ క్లాస్ మ్యాచ్‌లు ఆడాడు. ఇందులో అతడి పేరు మీద దాదాపు 40 సగటుతో 2534 పరుగులు ఉన్నాయి. స్నేహాశిష్ గంగూలీ పేరు మీద 6 సెంచరీలు, 11 అర్థ సెంచరీలు కూడా ఉన్నాయి.
