Candidate | ఆదరించి ఆశీర్వదిస్తే అభివృద్ధి చేస్తా
Candidate | ఆదరించి ఆశీర్వదిస్తే అభివృద్ధి చేస్తా
- నల్లబెల్లి కాంగ్రెస్ పార్టీ సర్పంచ్ అభ్యర్థి భూక్య భాస్కర్
Candidate | నల్లబెల్లి, ఆంధ్రప్రభ : నందిగామ గ్రామ ప్రజలు ఆదరించి.. కత్తెర గుర్తుకు ఓటేసి ఆశీర్వదించి సర్పంచిగా గెలిపిస్తే నందిగామ గ్రామానికి నర్సంపేట ఎమ్మెల్యే దొంతి మాధవరెడ్డి ఆశీస్సులతో అభివృద్ధి చేస్తానని నల్లబెల్లి కాంగ్రెస్ పార్టీ సర్పంచ్ అభ్యర్థి భూక్య భాస్కర్ అన్నారు. ఆయన మాట్లాడుతూ.. వదిలేసిన సైడ్ డ్రైనేజీ, సీసీ రోడ్ల పనులను చెరువులో బతుకమ్మ వేయడానికి మెట్లు ఏర్పాట్లు బతుకమ్మ విగ్రహాలు, రైస్ మిల్లు దగ్గర వాటర్ ట్యాంక్ ఏర్పాట్ల కోసం కృషి చేస్తానని కాంగ్రెస్ సర్పంచ్ అభ్యర్థి భూక్య భాస్కర్ ప్రచారంలో ప్రజలకు హామీ ఇచ్చారు.
గ్రామంలో కార్యకర్తలతో కలిసి ఇంటింటి ప్రచారం నిర్వహించారు. ఈ సందర్భంగా సర్పంచ్ అభ్యర్థి మాట్లాడుతూ… ప్రస్తుతం తెలంగాణ రాష్ట్రంలో జరుగుతున్న రెండవ సాధారణ గ్రామపంచాయతీ ఎన్నికల్లో దొంతి మాధవ రెడ్డి ఆశీస్సులతో నందిగామ గ్రామపంచాయతీ సర్పంచ్ అభ్యర్థిగా తాను పోటీ చేయడం జరుగుతుందన్నారు. గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడతానిని, గ్రామంలో మిగిలిపోయిన సీసీ రోడ్లు, డ్రైనేజీ పనులను, అర్హులైన వారికి పెన్షన్స్, ఇందిరమ్మ ఇళ్లను ఇప్పించేందుకు తాను సిద్ధంగా ఉన్నానని తెలిపారు. గ్రామంలోని సమస్యలను తీర్చేందుకు అధికారులతో సమన్వయం చేసుకొని గ్రామాన్ని అభివృద్ధి పథం వైపు నడిపించేందుకు సిద్ధంగా ఉన్నట్లు తెలిపారు.
