Minister | సేవకురాలిగా ప్రజల కోసం పని చేస్తా…
Minister | సేవకురాలిగా ప్రజల కోసం పని చేస్తా…
Minister | మక్తల్ , ఆంధ్రప్రభ : కర్ని గ్రామ అభివృద్ధి కోసం సర్పంచ్గా తనకు ఒక అవకాశం ఇవ్వాలని గ్రామాన్ని పూర్తిస్థాయిలో అభివృద్ధి చేస్తానని కాంగ్రెస్ పార్టీ మద్దతుతో సర్పంచ్ గా బరిలో నిలిచిన దండు రాధ దత్తురాం అన్నారు. పంచాయతీ ఎన్నికల ప్రచారంలో భాగంగా చివరి రోజైన ఈ రోజు తన మద్దతు ధరలతో గ్రామంలో(village)ని వార్డుల్లో విస్తృతంగా పర్యటించి ఇంటింటా ప్రచారం చేపట్టారు. ప్రతి ఇంటికి వెళ్లి ఓటర్లను కలుసుకొని తాను సర్పంచ్ గా గెలిపిస్తే చేపట్టే పనులను వివరించారు.
మంత్రి వాకిటి శ్రీహరి అండతో కర్ని గ్రామాన్న సమగ్ర అభివృద్ధి చేస్తానని అన్నారు. ఎన్నికల్లో తనను ఆదరించి ఆశీర్వదించి సర్పంచ్ గా గెలిపించాలని గ్రామస్తులకు విజ్ఞప్తి చేశారు. గ్రామంలో నెలకొన్న సమస్యలన్నింటిని పరిష్కరించేందుకు ఎన్నికల్లో అవకాశం ఇవ్వాలని కోరారు. మంత్రి డాక్టర్ వాకిటి శ్రీహరి(Minister Dr. Vakiti Srihari) సహకారంతో గ్రామంలో నెలకొన్న సమస్యలన్నింటికీ పరిష్కారం లభిస్తుందన్నారు. అర్హులైన ప్రతి ఒక్కరికి ప్రభుత్వ సంక్షేమ పథకాలు అందిస్తామన్నారు.
రాజకీయాలకు అతీతంగా సంక్షేమ పథకాలు(Welfare Schemes) అమలు జరుగుతుందని గ్రామంలోని ప్రతి వ్యక్తి రాజకీయాలు పక్కనపెట్టి గ్రామ అభివృద్ధి కోసం తనను సర్పంచ్ గా గెలిపించాలని విజ్ఞప్తి చేశారు. మంత్రి వాకిటి శ్రీహరితో ప్రత్యేక నిధులు తీసుకువచ్చి కర్ని గ్రామ రూపురేఖలు మారుస్తామన్నారు.
అధికార పార్టీ అభ్యర్థులను గెలిపిస్తే గ్రామం సర్వతో ముఖాభివృద్ధి చెందుతుందని ప్రచారంలో ప్రజలకు వివరించారు. సర్పంచ్ గా ఈ ఎన్నికల్లో తనను భారీ మెజారిటీతో గెలిపించి అభివృద్ధికి అండగా నిలవాల్సిందిగా గ్రామ ప్రజలను సర్పంచ్ అభ్యర్థి దండు రాధ దత్తురాం విజ్ఞప్తి చేశారు.
