MLA | అభివృద్ధి, సంక్షేమానికి నాది బాధ్యత..
MLA | లక్షేట్టిపేట, ఆంధ్ర ప్రభ : నియోజకవర్గంలోని గ్రామాల్లో అభివృద్ధి, సంక్షేమానికి నాది బాధ్యత ఎమ్మెల్యే ప్రేమ్ సాగర్ రావు(MLA Prem Sagar Rao) అన్నారు. శనివారం పట్టణంలోని ఐబీ విశ్రాంత భవన్ లో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ కాంగ్రెస్ పార్టీ చేస్తున్న అభివృద్ధి, సంక్షేమాన్ని చూసి ప్రజలు స్థానిక సంస్థల ఎన్నికల్లో పార్టీ అభ్యర్థులను ఆదరించాలని కోరారు.
నియోజకవర్గ పరిధిలోని అన్ని మండలాల్లో పలు రకాల అభివృద్ధి కార్యక్రమాలు జరుగుతున్నాయని వివరించారు. హాజీపూర్ మండలంలో దేశంలోనే ప్రతిష్టాత్మక మొదటి ఫిష్ పాండ్ నిర్మాణం, మెడికల్ కాలేజ్(Medical College), ఇండస్ట్రియల్ పార్క్, లక్షేట్టిపేటలో ప్రభుత్వ పాఠశాల, కళాశాల, ఆసుపత్రి నిర్మాణం,దండేపల్లి లో సోలార్ ప్లాంట్ ఇంకా ఎన్నో రకాల పనులు చేపట్టినట్లు వివరించారు. దండేపల్లి మండలంలో త్వరలోనే ఆసుపత్రి నిర్మాణం చేపడుతామన్నారు.
ముఖ్యమంత్రి, మంత్రులు సహకారంతో నియోజకవర్గంను ఎంతగానో అభివృద్ధి చేస్తున్నట్లు వెల్లడించారు. త్వరలోనే సూపర్ స్పెషలిటీ హాస్పిటల్ అందుబాటులోకి వస్తుందని తెలిపారు. ప్రతి పక్షాలకు అన్ని రకాలుగా జవాబు చెప్పడానికి తాము సిద్ధంగా ఉన్నట్లు సవాల్ విసిరారు. అంతకుముందు మూడు మండలాల సర్పంచ్ అభ్యర్థులను ప్రకటించారు.
ఈ ఎన్నికల్లో కాంగ్రెస్ పార్టీ క్లీన్ స్వీప్(Congress party clean sweep) చేస్తుందని ధీమా వ్యక్తం చేశారు. ఈ కార్యక్రమంలో మాజీ డీసీసీ అధ్యక్షురాలు సురేఖ, నాయకులు నాగభూషణం, ఆరీఫ్, త్రిమూర్తి, అంకతి శ్రీనివాస్,గుత్తికొండ శ్రీధర్, నవాబ్, గోప రమేష్, మహిళ నాయకులు పాల్గొన్నారు.
