విద్యార్థుల శక్తి సామర్థ్యాలు పెంపొందించాలి
ఎంఈఓ సాంబశివరావు
Students | శావల్యాపురం, పల్నాడు జిల్లా (ఆంధ్రప్రభ) : విద్యార్థుల శక్తి సామర్థ్యాలను పెంపొందించాలని, రైసింగ్ స్టార్ స్టూడెంట్స్ ను షైనింగ్ స్టార్స్ గా తీర్చిదిద్దాలని మండల విద్యాశాఖ అధికారి మద్దికుంట సాంబశివరావు అన్నారు. మండల కేంద్రమైన శావల్యాపురం మోడల్ ప్రైమరీ పాఠశాలను సోమవారం తనిఖీ చేశారు. పాఠశాలల్లో విద్యార్థుల సామర్థ్యాలు, బోధనా ప్రణాళికలు, మధ్యాహ్న భోజనం, పరిసరాల పరిశుభ్రత తదితర అంశాలను పరిశీలించారు.
ఈ సందర్భంగా ఎంఈఓ మాట్లాడుతూ మోడల్ ప్రైమరీ స్కూల్లో 96 మంది విద్యార్థులు ఉండగా, 21 మంది రైసింగ్ స్టార్ విద్యార్థులు ఉన్నారని, వారికి విద్యా సామర్ధ్యాలు తక్కువగా ఉన్నాయన్నారు. వెంటనే ఉపాధ్యాయులతో సమావేశం నిర్వహించి విద్యార్థుల సామర్ధ్యాలు మెరుగుపడే విధంగా ప్రత్యేక దృష్టి సారించాలన్నారు. టీఎల్ఎం విద్యా విధానాన్ని అనుసరించి సులభతరంగా పాఠ్యాంశాలు బోధించాలని సూచించారు. హెచ్ఎం పద్మజ, ఉపాధ్యాయులు ఉన్నారు.

