హైదరాబాద్ : ఎంబీఏ, ఎంసీఏ కోర్సుల్లో ప్రవేశాలకు నిర్వహించిన తెలంగాణ ఐసెట్ (TG ICET Results 2025) ఫలితాలు ఇవాళ విడుదలయ్యాయి. రాష్ట్ర ఉన్నత విద్యామండలి (TGCHE) కార్యాలయంలో ఫలితాలను అధికారికంగా ప్రకటించారు. పరీక్షకు హాజరైన అభ్యర్థులు తమ ఫలితాలను, ర్యాంకు కార్డులను అధికారిక వెబ్‌సైట్ https://icet.tgche.ac.in/ ద్వారా డౌన్‌లోడ్ చేసుకోవచ్చు. ఫలితాలతో పాటు తుది ‘కీ’ని కూడా విడుదల చేశారు. ఐసెట్‌లో అర్హత సాధించిన అభ్యర్థులకు త్వరలోనే కౌన్సిలింగ్ షెడ్యూల్‌ను ప్రకటించనున్నారు.
కౌన్సిలింగ్ ద్వారా 2025-26 విద్యా సంవత్సరానికి సంబంధించి వివిధ విశ్వవిద్యాలయాలు, వాటి అనుబంధ కళాశాలల్లో ఎంబీఏ, ఎంసీఏ సీట్లను కేటాయిస్తారు. మహాత్మాగాంధీ యూనివర్సిటీ, నల్గొండ తరపున TGCHE నిర్వహించిన ఈ ప్రవేశ పరీక్ష జూన్ 8, 9 తేదీల్లో ఆన్‌లైన్ విధానంలో జరిగిన విషయం తెలిసిందే.
