ఆరు నెల‌ల కింద‌టే వెల్ల‌డించాను : కేటీఆర్
హైద‌రాబాద్, ఆంధ్ర‌ప్ర‌భ : నగరంలో ట్రాన్స్‌ఫ‌రబుల్ డెవలప్‌మెంట్ రైట్స్(Transferable Development Rights) (టీడీఆర్) జారీలో కుంభకోణం జరుగుతోంద‌ని తాను వెల్లడించి ఆరు నెలలు దాటింద‌ని, ఇప్పుడది తీవ్ర రూపం దాల్చి వేలకోట్ల భారీ కుంభకోణం అయ్యింద‌ని బీఆర్ఎస్(BRS) వ‌ర్కింగ్ ప్రెసిడెంట్ కేటీఆర్ అన్నారు. రాష్ట్రంలో ముఖ్యనేత అనుచరుడి కనుసన్నల్లోనే టీడీఆర్‌ల బ్లాక్ దందా కొనసాగుతోంద‌న్నారు.
ఈ మేర‌కు కేటీఆర్ (KTR)ఎక్స్‌వేదిక‌గా ఓ పోస్టు పెట్టారు. జీహెచ్‌ఎంసీ(GHMC)లో కొత్త టీడీఆర్‌ల జారీ నిలిపివేసి, కాంగ్రెస్ పెద్ద‌లు కృత్రిమ కొరత సృష్టించి వేల కోట్లు దండుకుంటున్నారని కేటీఆర్ మండిప‌డ్డారు. అసలే డిమాండ్(Demand) లేక మూలుగుతున్నరియల్ ఎస్టేట్ రంగాన్నికాంగ్రెస్ నేతలు తమ అవినీతితో ఉన్నఊపిరి తీస్తున్నారు అని పేర్కొన్నారు.
