Shashti Kalyanam| మోపిదేవి, ఆంధ్రప్రభ : కృష్ణా జిల్లా మోపిదేవి శ్రీవల్లి దేవసేన సమేత శ్రీ సుబ్రహ్మణ్యేశ్వర స్వామి దేవస్థానంలో షష్టి కల్యాణ మహోత్సవం బుధవారం అంగరంగ వైభవంగా జరిగింది. ముఖ్య అతిధిగా అవనిగడ్డ ఎమ్మెల్యే మండలి బుద్ధప్రసాద్ విచ్చేసి కల్యాణ మహోత్సవం తిలకించారు. దేవాదాయ శాఖ డిప్యూటీ కమిషనర్, చల్లపల్లి ఎస్టేట్ దేవాలయాల ఈఓ దాసరి శ్రీరామ వరప్రసాదరావు ఆయనకు స్వాగతం పలికి సత్కరించారు. ఘనాపాటి బ్రహ్మశ్రీ కొమ్మూరి ఫణి కుమార్ శర్మ, ప్రధాన అర్చకులు బుద్దు పవన్ కుమార్ శర్మ, ఘనాపాటి నౌడూరి విశ్వనాథ సుబ్రహ్మణ్య శర్మ, ముఖ్య అర్చక బుద్దు సతీష్ శర్మ లతో పాటు పలువురు పండితుల వేద మంత్రాల నడుమ షష్టి కళ్యాణ మహోత్సవం వైభవంగా జరిగింది. ఉభయ తెలుగు రాష్ట్రాల నుంచి భక్తులు వేలాదిగా తరలివచ్చి కళ్యాణ మహోత్సవం తిలకించారు. నియోజకవర్గ ప్రత్యేక అధికారి పెనుమూడి సాయిబాబు, తహసీల్దార్ ముప్పిరిశెట్టి హరినాధ్, దేవస్థానం సూపరింటెండెంట్ అచ్యుత మధుసూధనరావు, అవనిగడ్డ, చల్లపల్లి సీఐలు యువకుమార్, ఈశ్వరరావు, ఎస్ఐలు, అధికారులు ఏర్పాట్లు పర్యవేక్షించారు.
