- 6 ప్రముఖ సంస్థలతో ఒప్పందం
రాష్ట్ర ప్రభుత్వం, ప్రభుత్వ పాఠశాలల్లో చదువుతున్న విద్యార్థులకు అత్యాధునిక సాంకేతిక బోధన సేవలను ఉచితంగా అందించేందుకు భారీ స్థాయిలో చర్యలు చేపట్టింది. ఈ లక్ష్యంతో జాతీయ, అంతర్జాతీయ స్థాయిలో ఖ్యాతి పొందిన 6 ప్రముఖ సంస్థలతో అవగాహన ఒప్పందాలు (MoUs) కుదుర్చుకుంది.
ముఖ్యమంత్రి సమక్షంలో అవగాహన ఒప్పందాలు
విద్యా రంగంలో విశేష సేవలు అందిస్తున్న స్వచ్ఛంద సంస్థలతో రాష్ట్ర విద్యా శాఖ అధికారులు, ముఖ్యమంత్రి రేవంత్ రెడ్డి సమక్షంలో అవగాహన ఒప్పందాలను కుదుర్చుకున్నారు. ఈ భాగస్వామ్యంతో ప్రభుత్వ పాఠశాలల్లో ఆధునిక EdTech వనరులు అందుబాటులోకి రానున్నాయి.
భాగస్వామి సంస్థల వివరాలు
- ఎక్‌స్టెప్ ఫౌండేషన్ (రోహిణి నందన్ నీలేకని)
- ప్రజ్వల ఫౌండేషన్ (డా. సునీతా కృష్ణన్)
- ఫిజిక్స్ వాలా (అలక్ పాండే)
- ఖాన్ అకాడమీ
- పైజామ్ ఫౌండేషన్ (షోయబ్దార్)
- ఎడ్యుకేట్ గర్ల్స్ (సఫీనా హుస్సేన్)
ఈ సంస్థల భాగస్వామ్యం రాష్ట్ర విద్యా వ్యవస్థలో ప్రమాణాలు పెంచే దిశగా అడుగు వేస్తోంది. కాగా, ఈ కార్యక్రమంలో ప్రభుత్వ సలహాదారు కే. కేశవరావు, విద్యాశాఖ ఉన్నతాధికారులు, ఆయా సంస్థల ప్రతినిధులు పాల్గొన్నారు.
