Commissioner | హోంగార్డుల పాత్ర శాంతి భద్రతలు
- ప్రజా భద్రతలలో కీలకం
పోలీస్ కమీషనర్ అంబర్ కిషోర్ ఝా
Commissioner | గోదావరిఖని, ఆంధ్రప్రభ : హోంగార్డుల పనితీరు బాగుందని, విధి నిర్వహణలో హోంగార్డుల త్యాగం, బలిదానాలు మరువలేనివని, ప్రశంసనీయమని రామగుండం పోలీస్ (Police) కమిషనర్ అంబర్ కిషోర్ ఝా పేర్కొన్నారు. రామగుండం పోలీస్ కమిషనరేట్ లో శనివారం 63వ హోంగార్డు రైసింగ్ డే వేడుకల సందర్భంగా హెడ్ క్వార్టర్స్ పరేడ్ గ్రౌండ్ లో హోంగార్డ్ సిబ్బంది పరేడ్ నిర్వహించారు. ఈ పరేడ్ కి కమాండర్ గా హోంగార్డ్ ఆర్ఐ పెద్దన్న వ్యవహరించారు. పరేడ్ కి పోలీస్ కమిషనర్ అంబర్ కిషోర్ ఝా ముఖ్య అతిథులుగా హాజరై గౌరవ వందనం స్వీకరించి తరువాత సిబ్బంది ప్రదర్శనని పరిశీలించారు.
అనంతరం పోలీస్ కమిషనర్ మాట్లాడుతూ… హోంగార్డుల సేవలు, పనితీరు ప్రశంసనీయమని, శాంతిభద్రతలు, ట్రాఫిక్, క్రైమ్ నివారణ, కమ్యూనిటీ పోలీసింగ్, విపత్తు నిర్వహణ వంటి విభాగాల్లో అత్యుత్తమ పనితీరును కనబరుస్తూ అత్యవసర పరిస్థితుల్లో హోంగార్డులు చూపే అంకితభావం ప్రశంసనీయమన్నారు. జిల్లా హోంగార్డ్ (Homeguard) సిబ్బంది ప్రతి డ్యూటీని బాధ్యతగా నిర్వహించే వారి క్రమశిక్షణ, సేవాస్ఫూర్తి పోలీస్ శాఖకు గర్వకారణమన్నారు.
విధి నిర్వహణలో ఉత్తమ ప్రతిభ కనబరిచిన హోంగార్డులకు ప్రశంసా పత్రాలను అందజేశారు. కమిషనరేట్ పరేడ్ గ్రౌండ్ లో పోలీస్ అధికారులతో కలిసి సీపీ కలిసి మొక్కలు నాటారు.ఈ పరేడ్ కార్యక్రమంలో అడిషనల్ డీసీపీ (Dcp) అడ్మిన్ శ్రీనివాస్, స్పెషల్ బ్రాంచ్ ఏసీపీ నాగేంద్ర గౌడ్, ఏఆర్ ఏసీపీ ప్రతాప్, స్పెషల్ బ్రాంచ్ ఇన్స్పెక్టర్ భీమేష్, ఆర్ఐలు దామోదర్ శ్రీనివాస్, శేఖర్, మల్లేశం, సంపత్, ఆర్ఎస్ఐలు హోంగార్డ్ సిబ్బంది ఏఆర్ సిబ్బంది స్పెషల్ పార్టీ సిబ్బంది పాల్గొన్నారు.
