ఎన్నికలకు సిద్ధం కావాలి
కమ్మర్ పల్లి, ఆంధ్ర ప్రభ : స్థానిక ఎన్నికలు సజావుగా జరగడానికి నిబంధనలు పకడ్బందీగా అమలు చేయాలని నిజామాబాద్(Nizamabad పోలీస్ కమిషనర్ సాయి చైతన్య(Sai Chaitanya) సూచించారు. ఆదివారం కమ్మర్ పల్లి పోలీస్ స్టేషన్‌ను ఆయన ఆకస్మికంగా తనిఖీ చేశారు. పోలీస్ స్టేషన్ పరిధిలో గల పోలింగ్ స్టేషన్స్, పోలింగ్ లోకేషన్స్(Polling Locations) గురించి పూర్తి అవగాహన కలిగి ఉండాలని అన్నారు.
ప్రతి పోలింగ్ స్టేషన్‌ను తప్పనిసరిగా సందర్శించి అక్కడి పరిస్థితులను తెలుసుకోవాలన్నారు. పోలింగ్ కేంద్రాలలో ఉండవలసిన కనీస వసతుల గురించి సమాచారం అందించాలన్నారు. అనంతరం పోలీస్ స్టేషన్ చుట్టుపక్కల బ్యారక్‌లను తనిఖీ(inspection) చేశారు. గత ఎన్నికలలో చెడు నడత కలిగిన వారిని ముందుగానే గుర్తించి బైండోవర్(Byndover) చేయాలని సూచించారు.
ఈ పోలీస్ స్టేషన్ జిల్లా బోర్డర్(Border) సరిహద్దులో ఉన్నందున అక్కడి నుండి ఇక్కడికి వచ్చి వెళ్లే వారిపై నిఘా వేయాలని అన్నారు. ఈ కార్యక్రమంలో భీంగల్ సర్కిల్ ఇన్స్పెక్టర్ పి. సత్యనారాయణ(P. Satyanarayana), కమ్మర్పల్లి సబ్ ఇన్స్పెక్టర్ ఆఫ్ పోలీస్ జీ.అనిల్ రెడ్డి, హెడ్ కానిస్టేబుల్, కానిస్టేబుల్స్‌ తదితరులు పాల్గొన్నారు.
