Union Minister | భద్రకాళీ అమ్మవారిని దర్శించుకున్న కిషన్ రెడ్డి
Union Minister | వరంగల్, ఆంధ్రప్రభ : కేంద్ర బొగ్గు గనుల శాఖ మంత్రి కిషన్ రెడ్డి (Kishan Reddy) ఒకరోజు పర్యటన కోసమై వరంగల్ విచ్చేశారు. వరంగల్ లో గ్రేటర్ వరంగల్ మున్సిపల్ కమిషనర్ చాహత్ బాజ్ పాయ్, బీజేపీ జిల్లా అధ్యక్షులు గంట రవికుమార్, పార్టీ నేతలు వరంగల్ రైల్వే స్టేషన్ (Warangal Railway Station) లో ఘనస్వాగతం పలికారు.
అనంతరం ఓరుగల్లు (Orugallu) ప్రజల ఇలవేల్పు, జగత్ జననీ, అమ్మలగమ్మగా కీర్తించబడుతున్న శ్రీ భద్రకాళి ఆలయానికి కేంద్ర బొగ్గు గనుల శాఖ మంత్రి కిషన్ రెడ్డి చేరుకొన్నారు. వారికి ఆలయ సంప్రదాయాల ప్రకారం పూర్ణ కుంభంతో స్వాగతం పలికారు. ఆలయ ఈఓ సునీత ప్రధాన అర్చకులు శేషుల నేతృత్వంలో మంత్రి కిషన్ రెడ్డి ప్రత్యేక పూజలు నిర్వహించారు.
