Trump Cofusion : ఆపరేషన్ సక్సెస్.. బట్.. Andhra Prabha SPL Story
Trump Cofusion : ఆపరేషన్ సక్సెస్.. బట్.. Andhra Prabha SPL Story
- గెలుపా?… ఓటమా?
- ఆపరేషన్ ఎథిక్ ప్యూరీ గతేంటీ?
- ఇరాన్ కొత్త లీడర్లకు కితాబు
- రాజీ ఎవరు ఎవరితో?
- క్లారిటీ లో డొల్ల
- మిత్ర దేశాలకు అమెరికా భరోసా
- ట్రంప్ ప్రసంగంతో పెరిగిన చమురు ధరలు
- ఇరాన్ ససేమిరా.. గట్టి ప్రతిస్పందన
- అమెరికా ప్రజలకుఇ ఇరాన్ సందేశం
- గల్ఫ్లో మళ్లీ దాడులు.. ఉద్రిక్తతలు తీవ్రం
- అంతర్జాతీయంగా పెరుగుతున్న ఆందోళనలు
( ఆంధ్రప్రభ, వాషింగ్టన్ ప్రతినిధి )
ఆపరేషన్ ఎథిక్ ప్యూరి ముగింపు పై అమెరికా అధ్యక్షుడు ట్రంప్ ఎటు తేల్చుకోలేక పోతున్నారు. ఇరాన్ మట్టి కరిచింది. ధ్వంసమైంది. అమెరికా సైనికులు అలిసిపోయారు. ఇక యుద్ధం విరమణే ఆలస్యం,.. ఉన్నా కొద్దీ గొప్ప లక్ష్యాలనూ త్వరలోనే పూర్తి చేస్తామని తన జాతికి వివరిస్తూనే.. అమెరికా అధ్యక్షుడు .. యుద్ధం ముగింపుపై ఓ క్లారిటీ ఇవ్వటం లేదు. కాల్పులు నిలిపివేస్తాం, హోర్ముజా తెరుస్తాం అని ఇరాన్ అంగీకరిస్తే.. ఈ సమస్య సాల్వ్ అవుతుంది. కరెక్టే.. కానీ అటు ఇజ్రాయెల్ ను కట్టడి చేసేదెవరుఝ ఇరాన్ తో వీలుకాని రాజీ ఒప్పందం కుదిర్చేది ఎవరు? అసలు అమెరికా వంకర టింకర వ్యూహాలు ఎంత వరకూ ఫలిస్తాయి? ఇవీ సమాధానం దొరకని అమెరికన్ల ప్రశ్నలు. వైట్ హౌస్ నుంచి జాతిని ఉద్దేశించిన అమెరికా అధ్యక్షుడు డోనాల్డ్ ట్రంప్ ప్రసంగంలో అంశాలు పరిశీలిద్దాం.
Trump Cofusion : ఆపరేషన్ సక్సెస్.. బట్..
ఇరాన్పై ఆపరేషన్ ఎథిక్ ప్యూరీ దాదాపు ముగిసిందని, కానీ ఇంకా కొన్ని లక్ష్యాలను సాధించటానికి మరో రెండు మూడు వారాల్లో తీవ్రతర దాడులు జరుపుతామని అమెరికా అధ్యక్షుడు డొనాల్డ్ ట్రంప్ అన్నారు.
ఫిబ్రవరి 28న యుద్ధం ఆరంభం నుంచి తన తొలి జాతీయ ప్రసంగంలో, యుద్ధంతో అలసిపోయిన అమెరికన్లకు ఈ దాడి విలువైనదేనని ట్రంప్ భరోసా ఇచ్చే ప్రయత్నం చేశారు. “మనం పురోగతి సాధించాం ధన్యవాదాలు, అమెరికా అన్ని సైనిక లక్ష్యాలను త్వరలో, అతి త్వరలో పూర్తి చేసే మార్గంలో ఉన్నామని ఈ రాత్రి నేను చెప్పగలను,” అని వైట్ హౌస్ నుంచి ట్రంప్ అన్నారు.
Trump Cofusion : మిత్రదేశాలకు అండగా ఉంటాం
“ప్రధాన వ్యూహాత్మక లక్ష్యాలు పూర్తి కావస్తున్నాయి,” అని ఆయన అన్నారు, “రాబోయే రెండు మూడు వారాల్లో మనం అత్యంత తీవ్రంగా దాడులు చేయబోతున్నాం” అని హెచ్చ రించారు. ఇరాన్ డ్రోన్ క్షిపణి దాడులతో దెబ్బతిన్న ప్రాంతీయ మిత్రదేశాలు ఇజ్రాయెల్, సౌదీ అరేబియా, ఖతార్, యూఏఈ, కువైట్ , బహ్రెయిన్లకు, అమెరికా ఏ విధంగానూ దెబ్బతిననివ్వదు, విఫలం కానివ్వదు” అని ఆయన హామీ ఇచ్చారు.
Trump Cofusion : కొత్త లీడర్లు పర్వాలేదు
ఇరాన్ కొత్త నాయకత్వంతో చర్చలు సాధ్యపడొచ్చని ట్రంప్ సూచించారు. ఆ కొత్త నాయకత్వం తమ పూర్వ నాయకత్వం కంటే “తక్కువ తీవ్రవాద ధోరణి, చాలా ఎక్కువ హేతుబద్ధంగా” ఉందని ఆయన అభివర్ణించారు. ఈ సంఘర్షణను ముగించడానికి ఆయన ఏదో ఒక రకమైన ఒప్పందం కోసం ప్రయత్నిస్తున్నారని ఇది సూచిస్తుంది. ఏ ఒప్పందమూ కుదరకపోతే, “ఆ దేశంలోని విద్యుత్ ఉత్పాదక కేంద్రాలతో సహా కీలక లక్ష్యాలపై అమెరికా కన్నేసి ఉంది” అని ఆయన హెచ్చరించారు.
Trump Cofusion : పొంతన లేని ప్రసంగం
అమెరికా, ఇజ్రాయెల్ దేశాలు ఇరాన్పై భారీ ఆకస్మిక వైమానిక దాడులు జరిపి, సర్వోన్నత నాయకుడు అలీ ఖమేనీని హతమార్చడంతో ప్రారంభమైన యుద్ధం కారణంగా, ట్రంప్ ఆమోద రేటింగ్లు పడిపోవడం, ఆర్థిక ఆందోళనలు, తీవ్రమవుతున్న దౌత్యపరమైన పరిణామాలను ఎదుర్కొంటున్న తరుణంలో ఈ ప్రసంగం వెలువడింది. హోర్ముజ్ జలసంధిని తిరిగి తెరవడానికి ఇతర దేశాలు సహాయపడాలని ట్రంప్ పిలుపునివ్వడంతో, గురువారం చమురు ధరలు ఒక్కసారిగా పెరిగాయి. ఈ ప్రసంగం ఇంధన మార్కెట్లను శాంతపరచడంలో పెద్దగా సహాయపడలేదు. ప్రపంచ చమురులో ఐదవ వంతు సాధారణంగా ఈ ఇరుకైన జలమార్గం గుండా వెళుతుంది. దీనిని పూర్తిగా మూసివేయడం వల్ల ఇంధన ధరలు ఆకాశాన్నంటాయి ప్రపంచ ఆర్థిక వ్యవస్థ అస్థిరంగా మారింది.
Trump Cofusion : ఇరాన్ ససేమిరా …
దేశ “శత్రువుల” కోసం దీనిని మూసి ఉంచుతామని ఇరాన్ రివల్యూషనరీ గార్డ్స్ బుధవారం ప్రతిజ్ఞ చేశారు. వాషింగ్టన్ కాల్పుల విరమణ ప్రతిపాదనలను గురువారం ఇరాన్ తోసిపుచ్చింది. ఈ సంఘర్షణను ముగింపునకు అమెరికా డిమాండ్లను “అతివాద అహేతుకమైనవి”గా అభివర్ణించింది. పాకిస్తాన్తో సహా మధ్యవర్తుల నుంచి సందేశాలు అందాయి, కానీ అమెరికాతో ప్రత్యక్ష చర్చలు ఏమీ జరగడం లేదు,” అని ఇరాన్ విదేశాంగ మంత్రిత్వ శాఖ ప్రతినిధి ఇస్మాయిల్ బఖాయీ అన్నట్టు సమాచారం. .
Trump Cofusion : అమెరికన్లు శత్రువులు కారు
ట్రంప్ ప్రసంగానికి కొన్ని గంటల ముందు, ఇరాన్ అధ్యక్షుడు మసూద్ పెజెష్కియన్, ఈ సంఘర్షణ నిజంగా “అమెరికా ఫస్ట్” నినాదాన్ని పాటిస్తోందా అని అమెరికా ప్రజలను ప్రశ్నించారు. వాషింగ్టన్ యుద్ధ నేరాలకు పాల్పడుతోందని, ఇజ్రాయెల్ ప్రభావానికి లోనవుతోందని ఆయన ఆరోపించారు. సోషల్ మీడియాలో పోస్ట్ చేసిన ఒక బహిరంగ లేఖలో, “పదేపదే విదేశీ జోక్యాలు, ఒత్తిళ్లు ఎదురవుతున్నప్పటికీ” సాధారణ అమెరికన్లు ఇరాన్కు శత్రువులు కాదని కూడా ఆయన అన్నారు.
Trump Cofusion : వాళ్లిద్దరూ క్రూరులు
యుద్ధం తొలి రోజు జరిగిన వైమానిక దాడిలో తన తండ్రి మరణించినప్పటి నుండి బహిరంగంగా కనిపించని ఇరాన్ నూతన సర్వోన్నత నాయకుడు మొజ్తబా ఖమేనీ, “క్రూర , నిర్దయాత్మక అమెరికన్ , జియోనిస్ట్ శత్రువుకు మానవ, నైతిక లేదా ప్రాణాపాయ పరిమితులు తెలియవు” అని అన్నారు. ఇజ్రాయెల్ వైమానిక దాడిలో మరణించిన గార్డ్స్ నావికాదళ కమాండర్ అంత్యక్రియల కోసం వేలాది మంది ఇరానీయులు టెహ్రాన్కు చేరుకున్నారు. . “మేము చివరి వరకు ప్రతిఘటిస్తాం,” అని మౌసా నౌరూజీ అన్నారు.
Trump Cofusion :అవే దాడులు .. ప్రతిడాడులు
గల్ఫ్లోని ఇజ్రాయెల్ అమెరికా స్థావరాలను లక్ష్యంగా చేసుకుని, టెల్ అవీవ్, ఈలాట్ వంటి ఇజ్రాయెల్ నగరాలతో పాటు బహ్రెయిన్, కువైట్లలోని అమెరికా సైనిక స్థావరాలపై క్షిపణి, డ్రోన్ దాడుల పరంపరను బుధవారం సాయంత్రం ఇరాన్ ప్రకటించింది.
ఇరాన్ దాడులను అడ్డుకోవడానికి తమ వాయు రక్షణ వ్యవస్థలు పనిచేస్తున్నాయని గురువారం తెల్లవారుజామున ఇజ్రాయెల్ సైన్యం తెలిపింది.
బుధవారం సూర్యాస్తమయంతో ప్రారంభమైన పాస్ఓ వర్ పండుగకు ఇజ్రాయెల్ సిద్ధమవుతున్న తరుణంలో, టెల్ అవీవ్ ప్రాంతంలో వైమానిక దాడి సైరన్లు పదేపదే మోగాయి. బుధవారం ఉదయం ఇరాన్ జరిపిన క్షిపణి దాడిలో 11 ఏళ్ల బాలికతో సహా 14 మంది గాయపడ్డారని అత్యవసర సేవల సిబ్బంది తెలిపారు.
గల్ఫ్లో ఇజ్రాయెల్కు చెందినదని తాము భావిస్తున్న ఒక చమురు ట్యాంకర్ను ధ్వంసం చేసినట్లు రివల్యూషనరీ గార్డ్స్ కూడా ధృవీకరించా ఖతార్ రాస్ లఫ్ఫాన్ (Ras Laffan) గ్యాస్ హబ్కు ఉత్తరాన సుమారు 31 కిలోమీటర్ల దూరంలో ఈ దాడి జరిగింది. ఇరాన్ మూడు క్రూయిజ్ క్షిపణులను ప్రయోగించగా.. వాటిలో రెండింటిన కూల్చివేశారు, మూడవది నేరుగా ట్యాంకర్ను ఢీకొన్నట్టు ఖతార్ రక్షణ మంత్రిత్వ శాఖ తెలిపింది. బ్రిటిష్ సముద్ర భద్రతా సంస్థ సమాచారం ప్రకారం, ఓడ పోర్ట్ సైడ్ (ఎడమ వైపు) వాటర్లైన్ పైన ఈ క్షిపణి తాకడంతో హల్ (hull) దెబ్బతింది. ఓడలోని 21 మంది సిబ్బంది సురక్షితంగా ఉన్నారని, ఎటువంటి ప్రాణనష్టం జరగలేదని ఖతార్ ఎనర్జీ ధృవీకరించింది. స్వల్ప అగ్నిప్రమాదం జరిగినప్పటికీ, వెంటనే మంటలకు అదుపులోకి తెచ్చారు. సముద్రంలో చమురు లీకేజీ జరగలేదు.
టెహ్రాన్లో బుధవారం మధ్యాహ్నం భారీ పేలుళ్లు సంభవించాయని, అంతకుముందు మాజీ అమెరికా రాయబార కార్యాలయం సమీపంలో దాడులు జరిగాయని అంతర్జాతీయ మీడియా సంస్థ తెలిపింది. ఇస్ఫహాన్ ప్రావిన్స్లోని ఒక విమానాశ్రయం, దేశంలోని ఇతర ప్రాంతాల్లోని ఉక్కు కర్మాగారాలు దెబ్బతిన్నాయని ఇరాన్ మీడియా తెలిపింది.
లెబనాన్లో, దక్షిణ బీరుట్ పరిసరాల్లో జరిగిన దాడుల్లో ఏడుగురు మరణించారు. ఈ దాడిలో హిజ్బుల్లాకు చెందిన ఒక సీనియర్ కమాండర్ను లక్ష్యంగా చేసుకున్నట్లు ఇజ్రాయెల్ సైన్యం తెలిపింది. గల్ఫ్ దేశాల విషయానికొస్తే, దాడుల కారణంగా కువైట్ అంతర్జాతీయ విమానాశ్రయంలో భారీ అగ్నిప్రమాదం జరిగింది, బహ్రెయిన్లోని ఒక వ్యాపార ప్రాంగణంలో మంటలు చెలరేగినట్లు నివేదించబడింది, అనేక డ్రోన్లను అడ్డుకున్నట్లు సౌదీ అరేబియా తెలిపింది. యునైటెడ్ అరబ్ ఎమిరేట్స్లో అడ్డుకున్న ఒక డ్రోన్ నుండి వెలువడిన శకలాల వల్ల ఒక బంగ్లాదేశీ జాతీయుడు మరణించాడు. ఈ డాడులు ఎప్పుడు జరిగాయి. పూర్తి వివరాలు ఫోటోలు ప్లీజ్..
